المكتب الثقافي بأمريكا
السلام عليكم
حبيت أبدي بموضوع جدا جدا مهم و هو التواصل مع المكتب الثقافي بلوس أنجلوس و هو أول شيء تسونه بس توصلون أمريكا من أول يوم
أنا حاليا مريضه و طلعه فايده التأمين الصحي إلي عطوني اياه بعد ما تواصلت معاهم و حبيت أنصحكم و أفيدكم عنه بدونه جان رحت فيها ^^ و بعدين ما راح تستلمون اعانه الماديه من المكتب الثقافي بأمريكا بدون هذه البيانات .
أول شيء شكل التأمين يختلف حسب جهة إلي باعثتك تأمين جامعه الكويت تأمين قوي و يكون علي شكل كرت أبيض مكتوب الاسم و مكان السكن و تستلمه بالريد لم تكون بأمريكا بعد التسجيل البيانات مع المكتب الثقافي بلوس أنجلوس
تقدرون تروحون لوس أنجلوس و تسجلون بس أنا كنت مستصعبه الموضوع لأن منطقتي اشوي بعيده و وصلت متأخره اشوي ما عندي وقت أروح لوس آنجلوس فاستعمله النت دزيت الآوراق المطلوبه :
1- صوره عن الجواز
2- صوره عن الفيزا
3- في ورقه صغيره لم تدخلون أمريكا يدبسونه بالجواز مهم لا تضيع منكم تنطردون من أمريكا بدونه
4- صوره عن ورقه الاعتماد المالي من جامعه الكويت خذيت هذه الورقه بفضل يكون عندكم أكثر من نسخه
5- صوره من دفتر الشيكات مالي : لم تفتح احساب ببنك أمريكي يعطونك جم ورقه شيكات لازم تصوره ودزه و اذا ما عطوك اطلبه من البنك .
6- بينات حسابي بالبنك : هذه ورقه طلبته من البنك قلت لهم أن في جه راح تبعثلي فلوس و يبون بياناتي
7- ورقه فيها بيانات سكنك : هذه مو رسميه تقدر تطلبه من السكن يكون أفضل و له أنت تكتبه منهم و فيها ( الولايه + المنطقه + رقم الشارع و الاسم + اسم المجمع السكني + رقم الشقه + الزيب كود :كل منطقه بأمريكا عنده واحد مثلا كريفونيا الكود ماله 95618 ) .
* لازم تحرصون أن تكون جامعه الكويت كلمه المكتب الثقافي بأمريكا و قالت لهم في طالب منها راح يوصل التاريخ الفلاني و المنطقه الفلانيه . مو تروحون أمريكا و المكتب ما يدري عنكم
إنشاء الله ما نسيت شيء هذه الأوراق بعد ما تحصلونه دزوه حق المكتب و أنتوا بالمنطقه علي ايميل Hilda Blanco <hilda@kuwaitculturela.org
و هذا الموظفه مسؤله عن استقبال الأوراق
بس تستلم الأوراق يدزون لكم علي البريد بطاقه الاعتماد المالي و ينزل افلوس بالاحساب و توصل بطاقه التأمين الصحي
التآمين يشمل : عدسات طبيه + نظارات شمسيه و طبيه + أدويه من الصيدليه + العلاج بالطبيب + طبيب الأسنان + عمليات يعني كل شيء و الحمد لله
