الملاحظات

جامعة الكويت و المعاهد خاص بكل مايتعلق بالدراسة بالخارج من استفسارات وطلبات والجامعة , البعثات , التعليم العالي , المعهد التطبيقي والـخ ...

كلية الطب جامعة الكويت كل ما تريد معرفته عنه

بسم الله نبدي ... تعريف بكلية الطب: طبعا بلا ادني شك ومع الاحترام لباقي الكليات تعتبر كلية الطب القمه في جامعة الكويت ..ما اتوقع يهمكم سنه الانشاء والخرابيط

إضافة رد
قديم 04 - 27 - 2012, 07:48 AM
  #1
معلمة علوم
:: الادارة ::
تاريخ التسجيل: 01 2011
الدولة: الكويت
المشاركات: 9,370
افتراضي كلية الطب جامعة الكويت كل ما تريد معرفته عنه

مشاهدة: 20911 - رد: 1




بسم الله نبدي ...


تعريف بكلية الطب:


طبعا بلا ادني شك ومع الاحترام لباقي الكليات تعتبر كلية الطب القمه في جامعة الكويت ..ما اتوقع يهمكم سنه الانشاء والخرابيط هاذي لوولز c4cfdfdeed36d920fe7e5b0a084209a9.gif... كلية الطب او بالاحرى مركز العلوم الطبيه تقع في الجابريه مقابل مستشفي مبارك الكبير بجانب بنك الدم^^..يعني كل شي طبي يمها ...


ينقسم مركز العلوم الطبيه الى ثلاث اقسام
كلية الاسنان (25 مقعد شباب و25 بنات)((مقاعد الشباب غير البنات يعني البنات يتنافسون على 25 مقعد وكذالك الشباب باختصار المنافسه مفصوله وانتبهوا لهالمعلومه لاني باستخدمها بعدين c4cfdfdeed36d920fe7e5b0a084209a9.gif)
كلية الطب البشري (50 مقعد شباب و50 بنات (وعلى حسب ما قريت مره وماني متاكده من هالخبير انه تم زياده مقاعد الطب 7 مقاعد (غير محدده الجنس يعني منافسه مخلوطه بين الشباب والبنات ^^إ يعني الشباب والبنات يتنافسون على المقاعد )


كلية الصيدله 48 مقعد تقريبا ( اذا ما خانتني الذاكره هذا على دفعة العام وقالوا انه زادوهم هالسنه ^^)


نظام كلية الطب نظام سنوي يعني ماكو شي اسمه كورس صيفي لكن في لسنه 4 وفوق دورات تدريبيه .. وبعد يعني اللي ماقدم الطب هالكورس ما يقدر يقدم الكورس الثاني لازم ينطر سنه ^^
-----------------



القبول في مركز العلوم الطبيه


للقبول في المركز يجب عليك اخذ مكافئ فوق ال88 للبنات اما للشباب فوق 85 عشان تضمنون ..^^اما الفوري لهالسنه البنات 93% والشباب 91%


المكافئ هو القدرات + نسبة الثانويه العامه وهالمعلومه مهمه ..
مكافئ الطب يحسب كالاتي (70% من نسبة الثانويه العامه +15% من قدرات الانجليزي +10% رياضيات + 10% كيميا )


== نصيحه طالبه مقبوله بالمركز: اخذوا كل فرص القدرات عشان لا تندمون بعدين ==


عندما تقبل في مركز العلوم الطبيه فانت تقبل في سنه اولى او ما يسمونها بالسنه التمهيديه
(انتبهوا وااايد ناس يصير عندهم لبس انه السنه التمهيديه للساقطين بالقدرات هذا خطأ نظام الطب غيرر انت قاعد تتعامل مع كليه كل قوانينها غير الكليات الثانيه^^*)


(واللبس الثاني قبولك في المركز لا يعني قبولك في الطب او الاسنان او الصيدله لاااا المشوار طويل شوي ويلي شرحه )


هذه السنه التمهيديه تقسم الى كورسين


في الكورس الاول تاخذ
كيميا حيويه (3 وحدات )
فيزيا حيويه ( 3 وحدات )
انجليزي ( 5 وحدات )
حاسوب ( وحده واحده )
ماده اختياريه (3 وحدات (


الكورس الثاني :
احصاء (3 وحدات (( وهاذي اصعب ماده
احياء (4 وحدات )
انجليزي ( 5 وحدات )
اختياري ( 3 وحدات )


في هذي السنه وعلى حسب معدلك اللي من 4 يتحدد مستقبلك او طردك او ما يسمى بالتصفيه يعني الاولويه في القبول لاعلى الدرجات اول شي تتعبا مقاعد الاسنان بعدين الطب والباجي صيدله واللي اقل من 2.25 ( حسب ما اذكر ) ينطردون من الكليه
الاسنان تتطلب معدل فوق ال3.5
الطب فوق ال2.5 ولكن للضمان خاصه البنات فوق ال4 ولكن لا يعني اني مثلا حتى لو يايبه 3.5 لازم انقبل لا الاولويه لاعلى النسب يعني انت و دفعتك و شطارتها ^.^


اما الصيدله لازم فوق 2.25 ^^..


انت ترتب رغباتك وعلى حسب معدلك تنقبل وهني احب اوضحح نقطه صاير فيها لبس الا وهي الطالبات اللي مشتكين و الخوف اللي صار عندكم ..
يا بابا يا حبايبي انتوا مثل ما قلت سياسه القبول هي 1984 م انه الشباب تنافسهم بروح على 50 كرسي و 50 للبنات تنافسهم بروح لو انهم قايلين صيدله جان قلنا ليش اقبلوا الشباب لانه المنافسه غير محدده الجنس لكن مقاعد الشباب مالها شغل بمقاعد البنات و البنات منافستهم بروح ..
وغير جي مو شرط انك تييب 3 يعني انك مقبول لا ... مثل ما قلت الاولويه للنسب الاعلى و دفعتهم واايد شاطره وكان في ناس يابت 4 من4 خاصه البنات عشان جي ما صار لهم نصيب .. النقطه الاخيره على الوافدين والله الوافدين اللي بدفعتهم ترا كلهم 4 . .2 بالبشري و 2 بالصيدله و نسبهم فوق 3.5 وشروطهم تعجيزيه ترا حراام الظلم صج اني احب عيال ديرتي وابدييهم دايما و حتى يعرفوني الاعضاء انا حييل متعصبه لعيال ديرتي بس ترا الحق حق .. شوفوا شروط قبولهم وبعدين تكلموا ...


اللحين بتقولون شنو يعني 5 وحدات 3 وحدات شنو هذول ..
انا اقولكم تذكرون الثانوي ( طبعا اللحين الكل متبري منها :P) لما كنا نقول الرياضيات و العربي والانجليزي عليهم اعلى معدل ويلعبون بالنسبه جذي .. كلما زادت عدد الوحدات زاد تاثيرها على النسبه .. يعني لو اييب a بالاختياري ما راح تاثر وايد بس لما اييب c بالانجليزي راح تخفس المعدل لانه عليها خمس وحدات ..^^انا ماني عارفه الحسبه بالضبط بس رفيجتي مره دزتلي ياها مسج خلوني ادوره واحطه هني ^^5afe02d67951d328d9040bc835770307.gif..



بالنسبه للمواد و تسجيلهم و الكتب ومن وين اييبهم وهالحوسه كلها



حبايب قلبي الطب مريحينكم على اخر راااحه .. ماكو حوسه نفس باجي طلبة الكليات مثل ما قلت الطب غير
اول شي جدولك ودكاترتك انت ما تختارهم اهم محطوطين و خالصين .. الا اللهم دكاترة الاختياري .. والكتب ببلاش الاتحاد يعطيكم ياهم.. يعني لا حوسه بعد اليوم ..
اما الدكاتره ونظامهم
بالنسبه للمواد اللي غير الاختياري يعني المواد الاساسيه تقسم الى فصول يعني مثلا الكيميا فيها كيميا حيويه و كيميا عضويه فصلين .. كل فصل راح يدرسك دكتور متخصص فيه يعني الدكتور الفلاني متخصص بالعضويه و الدكتور العلنتاني متخصص بالحيويه .. جي ^^.. وفس كل انواع الدكاتره هندي صيني امريكي طب وتخير ^^..


اما المواد الاختياري فهاذي غير شوي ..
طبعا من مميزات المركز انه كل المواد بما فيها الاختياري تندرس بالجابريه ^^..


طبعا اول السنه راح تتقسمون قروبات .. الشباب قروبات بروح والبنات بروح ..^^
بالنسبه للشباب تنفتح لكم مواد اختياري ( اما عربي او انجليزي (( يعني ماده تندرس بالعربي او ماده تندرس بالانجليزي )
ونفس الشي البنات بس مواد الشباب غير عن مواد البنات ^^


انت اللي عليك تختار فقط لغة الماده .. واهم يسجلونلك الماده


مواد العربي :
تاريخ الكويت الحديث والمعاصر ( يدرسه هالسنه دكتور حمد القحطاني للبنات و العام كان يدرس العبىيسان )
حقوق انسان ( دكتور عيسى العنزي )
مواد الانجليزي :
فررست ايد ( او اسعافات اوليه ) ( ما ادري منو يدرسه كل سنه يتغير )
كرتكل ثنكينج ( تدرسه دكتوره ما ادري شنو البداح :P)


هذول اللي اعرفهم و ينفتحون دايما


بالنسبه لمادة تاريخ الكويت لا تخترعون اهي من كلام البنات وجي مو صعبه بالعكس لذيذه وحلوه :P.. بس على حسب دكتورك



مادة حقوق الانسان :


نفس دستور 12 الكورس الثاني بس على اسهل بواايد على قولتهم ^^


ماد الفرست ايد
يقولون واااااااااااايد سهله وحلوه بالنسبه لماده انجليزي وايد حلوه وسهله وتنبلع ويقولون انه تضمن فيهاa .. تدرس فيها الاسعافات الاوليه بس بالانجليزي وكذالك امتحانها بالانجليزي ^^


مادة الكرتكل ثنكينج ( التفكير النقدي ^^)



++ ملاحظه هالكلام مرجعه لثلاث بنات بسنه 3 بالطب 2 منهم بالاتحاد و وحده مالها شغل بالانتخابات ما اقدر اذكر اسمهم اسفه ++



بالنسبه للمواد المفتوحه هالسنه ..
للبنات :
تاريخ الكويت ( حمد القحطاني )
وماده انجليزي ما حددوها ^^..




اخر لبس ودي اوضحه : انه لا يوجد تحويل لكلية الطب والاسنان ولكن يوجد تحويل لكلية الصيدله و التحويل يكون من العلوم البيولوجيه او الطب المساعد وما ادري اذا في كليه بعد بس هذول الاغلب والاضمن للتحويل ^^.. وفي حاله وحده انه تقدر تحول للطب والاسنان و صراحه هالحاله تصير لي حجت البقر على قرونها او بمعجزه صراحه .. الحاله انه واحد من الطب او الاسنان يسحب وما يكون في ناس متصفين ( مطرودين ) بالتالي ياخذون وااحد من المحولين و يكون معدله اقوى شي ..^^ يعني عالي واايد .. هاذي اهي الحاله وما انصح احد يعتمد عليها صراحه مو تحطيم بس اهي شبه مستحيله وانا ما احب احبط بس ما ابي اعطي امل على الفاضي ويضيع مستقبل احد
معلمة علوم غير متواجد حالياً  
رد مع اقتباس

Sponsored Links
قديم 04 - 29 - 2012, 10:10 AM
  #2
ليالي
:: عضو مميز ::
تاريخ التسجيل: 11 2007
المشاركات: 856
افتراضي

نقره لعرض الصورة في صفحة مستقلة
ليالي غير متواجد حالياً  
رد مع اقتباس
إضافة رد

مواقع النشر (المفضلة)

الكلمات الدلالية (Tags)
لا, معرفته, الطب, الكويت, تريد, جامعة, عنه, كل, كمية


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
Math 102 اختبارات , كلية العلوم - جامعة الكويت معلمة علوم جامعة الكويت و المعاهد 1 04 - 29 - 2012 10:10 AM
Math 261 اختبارات , كلية العلوم - جامعة الكويت معلمة علوم جامعة الكويت و المعاهد 1 04 - 29 - 2012 10:10 AM
Math 352 اختبارات , كلية العلوم - جامعة الكويت معلمة علوم جامعة الكويت و المعاهد 1 04 - 29 - 2012 10:10 AM
Math 115 , اختبار كلية العلوم - جامعة الكويت معلمة علوم جامعة الكويت و المعاهد 1 04 - 29 - 2012 10:10 AM
موقع كلية الدراسات العليا - جامعة الكويت معلمة علوم جامعة الكويت و المعاهد 1 04 - 29 - 2012 10:10 AM


الساعة الآن 05:08 AM