الملاحظات

جامعة الكويت و المعاهد خاص بكل مايتعلق بالدراسة بالخارج من استفسارات وطلبات والجامعة , البعثات , التعليم العالي , المعهد التطبيقي والـخ ...

قصة طالب بعثة مع الفيزا و المكتب الثقافي ...

السلام عليكم جميعاً أول شي حبيت اعرفكم عن نفسي انا طالب حاصل على بعثه للولايات المتحده الامريكيه... بعد ما الله وفقني وانقبلت.. خلصت اوراقي كلها وقدمتها للتعليم العالي ونطرت

إضافة رد
قديم 04 - 25 - 2012, 02:44 PM
  #1
معلمة علوم
:: الادارة ::
تاريخ التسجيل: 01 2011
الدولة: الكويت
المشاركات: 9,370
افتراضي قصة طالب بعثة مع الفيزا و المكتب الثقافي ...

مشاهدة: 803 - رد: 1


السلام عليكم جميعاً

أول شي حبيت اعرفكم عن نفسي انا طالب حاصل على بعثه للولايات المتحده الامريكيه...


بعد ما الله وفقني وانقبلت.. خلصت اوراقي كلها وقدمتها للتعليم العالي ونطرت قبول اللغه يوصلني عشان اقدر اقدم على الفيزا... بعد شهرين تقريباً وصل قبولي وكملت باجي الاجرائات وقدمت على الفيزا...


قبولي كان حق معهد اللغه والي المفروض انه يبدي 13-3-2012 ...


رحت المقابله بل سفاره بتاريخ 12-1-2012 ... وقالولي أنه فيزتك راح تطلع بس يبيلها وقت وانشاء الله تطلع قبل موعد دراستك... انا استانست وقلت يالله هانت ننطر شوي وانشاء الله خير


طبعاً مثل ما انتو عارفين تاريخ اليوم 28-3-2012 ... المعهد بلش وما قدرت التحق فيه والسبه الفيزا ليلحين ما طلعت ...


الفيزا صارلها ليلحين 76 يوم ... وكل ما سألت قالولي " اعمال اداريه " ...


المهم الحين موعد الدراسه طاف ... كلمت الجامعه قالولي تقدر تنقل قبولك لي شهر 5.. الي اهو يسمونه Summer ... بس وين الصدمه الكبرى ؟؟؟؟؟؟؟؟؟؟؟ والشي الي كلش ما توقعته ؟؟؟؟؟!!!!!!!!! انا اقولكم وين


كلمت المكتب الثقافي مال لوس انجلوس وقلت لهم انه الفيزا ليلحين ما طلعت وابي احول قبولي لي الــ " سمر - شهر 5 " ... شنو ردو علي!!!!! ردو علي بـ أكثر من رد


1: ما ننصحك تروح تدرس بالسمر لانك راح تخسر 6 شهور من اللغه

2: رمضان ياي وماراح تستفيد من الدراسه اذا رحت شهر 5
3: اذا رحت بالصيف ماراح ينصرفلك معاشات 3 شهور بعد ما تخلص السنه

الرد الاخير لمن توهقو وما عرفو شيقولون قالولي......


4: الوزاره قايلتلنا ما نسجل طلاب لغه بالصيف


طبعاً مثل ما انتو شايفين كل رد ماله شغل بالثاني ... وخلني اتكلم عن كل نقطه قالوها


النقطه الاولى: "ما ننصحك تروح تدرس بالسمر لانك راح تخسر 6 شهور من اللغه"

- الطالب له الحق يدرس سنه كامله لغه على حساب الحكومه كونه مبتعث.... وانا موقع على ورقة اختيار الجامعات وكان مكتوب فيها اني اتعهد اني ايب المعدل المطلوب بالتوفل بعد دراسه سنه كامل..... " على اي اساس يشيلون مني 6 شهور اذا بروح بالصيف ؟ "

النقطه الثانيه: "أذا رحت بالصيف ماراح ستتفيد لأنه رمضان وتعب"

- اذا الطالب يدرس برمضان هذا الشي راجعله والمكتب الثقافي ماله حق يمنع الطالب من هل شي! هذا شي يخص الطالب نفسه اذا يتحمل ولا لاء... وبعدين ليش الضحك على عقول الطلاب الحين مو قاعدين ندوام برمضان وبالحر الشديد....؟ ولا حر امريكا اكثر من الكويت...؟ يا جماعه عذر ما يدش العقل كلش!!!

النقطه الثالثه: "اذا رحت بالصيف ماراح ينصرفلك معاشات 3 شهور بعد ما تخلص السنه"

- أول شي يا جماعه معروف انه القانون الامريكي ما يسمح للطالب انه يقعد شهر كامل داخل امريكا من دون لا يكون مسجل بجامعه ويداوم دوام كامل.... يعني الطالب لازم يرد الكويت بعد ما يخلص كورس اللغه اذا كانت دراسته الاكاديميه تبدي بعد 3 شهور... فــ ليش الاستعباط شنو حاجة الطالب بمعاشات الصيف دامنه بيكون راد الديره؟ ** المسأله سهله يخلص الطالب اللغه يرد الكويت .. يقعد جم شهر ويرجع امريكا قبل دراسته الاكاديميه وكان الله غفور رحيم...

- في بعد شي بتكلم عنه بخصوص معاشات الصيف وانه الطالب اذا خلص لغه بل صيف راح يقعد من دون معاشات ليمن تبلش الدراسه بالجامعه.... انا كانت دراستي الاكاديميه تبدي بتاريخ 13-3-2012 ... ولي حق ادرس سنه .. يعني اخلص 13-3-2013 بعد سنه بالضبط والدراسه الاكاديميه تبدي شهر 9 ... يعني من شهر 3 لي شهر 9 شنو بسوي؟ وشنو الاحسن انطر من شهر 3 لي 9 ... ولا من شهر 6 لي 9 ؟؟ .... في كل الحالتين رحت شهر 3 ولا 5 انا راح اقعد انطر الدراسه الاكاديميه يعني مو فارقه!!!!!!!!!!


طبعاً اخر شي يوم ما عرفو شيقولون قالولي الوزاره بالكويت قايله انه ممنوع يودون طلبه حق الصيف.. وسألت ليش قالولي نفس الاعذار الي كتبتهم هني...


رحت التعليم العالي وقالولي انه في 60 طالب نفس حالتك... وفي قرار يمنع الطلبه يروحون بالصيف ويوم سألت الاسباب محد يعرف...


بالذمه يا ناس كل هذا التعقيد والتعطيل والتحبيط الي قاعد يمارسونه لصالح منو ؟ قرارات غلط واحنا الي نتحمل!! الله يرضى سنه كامله تطوف بس عشان ادرس لغه !!!


والله ما سوت علينا البعثه


وشكراً لحسن المتابعه

اخوكم : طالب بعثة
معلمة علوم غير متواجد حالياً  
رد مع اقتباس

Sponsored Links
قديم 04 - 26 - 2012, 09:42 AM
  #2
كويتيه&كوول
:: عضو هام ::
تاريخ التسجيل: 12 2007
الدولة: الكـQ8ـويت
المشاركات: 945
افتراضي

نقره لعرض الصورة في صفحة مستقلة
كويتيه&كوول غير متواجد حالياً  
رد مع اقتباس
إضافة رد

مواقع النشر (المفضلة)

الكلمات الدلالية (Tags)
مع, المكتب, الثقافي, الفيزا, تعبت, و, طالب, قصة


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
الفصل الاول التشابة الثقافي 2 معلم كفايات الاجتماعيات منهج الكفايات 0 07 - 20 - 2017 03:43 PM
الفصل الاول التشابة الثقافي 2 معلم كفايات الاجتماعيات منهج الكفايات 0 07 - 16 - 2017 04:47 PM
المكتب العربي للاستشارات التعليمية الدراسة بالخارج الملتقى التربوي 1 01 - 02 - 2016 01:36 AM
المكتب الثقافي بأمريكا معلمة علوم جامعة الكويت و المعاهد 1 04 - 29 - 2012 10:10 AM
اجراءات استخراج الفيزا الامريكية " الدراسية " في دولة الكويت معلمة علوم جامعة الكويت و المعاهد 1 04 - 26 - 2012 09:42 AM


الساعة الآن 03:36 AM