Close Menu
الساعة الآن 10:33 AM

منتديات ياكويت.

للتسجيل إضغط هنا

إضافة رد

معلمة علوم

:: الادارة ::

المتباينة وما ادراك ما المتباينة !


وصلنا للمتبانية ..
وما أدراك ما المتباينة .. !
بس قبل لا نخوض في بحر المتباينة الغويط على قولت أخوانا المصريين ..
خل نسولف عن الحقل ولو سطرين .. !

لازم نكون عارفين شروط الحقل الثلاثة ونحفظهم ..
بس شنو الحقل بالأول.. ؟



[hide]الحقل نفس الزمرة بس بدال ما تكون عملية وحدة .. فهي عمليتين ..
يعني مثال صغنون يجي دايما بالامتحان

(ح، + ، ×) يمثل حقلا ... صح أو غلط !؟

نطبق شروط الحقل عليها ..
السؤال الاول: هل (ح،+) زمرة إبدالية ..؟
الجواب: طبعا .. وانتو المفروض تكونين عارفين ليش .. !
السؤال الثاني: لما نشيل العنصر المحايد مال الجمع اللي هو الصفر ..
هل (ح/{0} ، × ) زمرة ابدالية ؟
الجواب: شي طبيعي .. والمفروض عارفين ليش .. !
السؤال الثالث: هل ال × يتوزع على ال + ؟
الجواب : وي مسيو ..
إذا هالنظام يمثل حقل واحنا نضحك !

طيب لو كان السؤال (ص، +، ×)!
يالله نطبق ..
هل (ص، +) يمثل زمرة ابدالية ..
طبعا !
هل (ص/{0} ، ×) زمرة ابدالية ..!
شرايكم؟!
الجواب لا وألف لا ..
ليش؟؟
لأن النظير الضربي لكل رقم ما ينتمي لل ص .. يعني ال2 تنتمي لل ص بس ال نص ما ينتمي ؟!
اذا على طول هالنظام ما يمثل حقل

اللي لازم نعرفه إن هالسؤال راح يجي صح وغلط وبس .. يعني ما راح يطلب منك تطبق الشروط الثلاثة على مسألة ... !


وقبل لا ندش المتباينة بعد .. في شيء حقير وخايس وتافه وغبي ومال أمه داعي . . صار لازم نقولكم عنه .. !
خواص حقل الأعداد الحقيقية المكون من 18 خاصية .. كنا نقراها للطلبة ونمر عليها مرور الكرام ..
بس السنة اللي طافت عطونا (1-0) وخلونا نضرب اخماس في أتساع مو أسداس .. وعطوهم خاصية من هال18 خاصية .. وقالولهم إثبتوا هالخاصية !؟!!

فيفضل نقرا الخواص ونركز على الخاصيتين 12 و 13


يالله نبلش بالمتباينة .. !

خلونا نحفظ شغلة في غاية الاهمية ..

(موجب موجب .. نقلب)
(سالب سالب .. نقلب)
(موجب سالب .. ما نقلب)
(سالب موجب .. ما نقلب)

ممكن نحفظهم لو سمحتوا .. ؟!


المتباينة بالاول والأخير هي جزئين .. الجزء الأيمن عبارة عن بسط ومقام .. والجزء الأيسر عبارة عن رقم !
اللي باليمين .. اللي بالبسط والمقام .. واللي مطلوب منا إنا نحلها .. واللي تغث المعده بالعادة.. تحتوي على مشكلة مطلوب حلها ..!
شنو المشكلة ؟؟
إن ال س موجودة بالمقام .. (تحت)
فكرة المسألة كلها إن نخلي ال س هذي فوق .. !
يعني نقلب البسط مقام والمقام بسط!!
بس مو على كيفنا نسوي هالعملية ونقلبهم وخلاص ..
لازم لما نقلبهم نقلب الجزء الايسر بعد !!!


يالله سؤال . . عشان يبين الحجي ،،

أوجد مجموعة حل المتباينة ..

2/س-4 > -2 حيث س ≠ 4

الحل:

الخطوات محفوظة .. فتكفون ركزوا شوية . . بالبداية .. لازم نفهم حقيقة مُرّة إن (حل) مسألة المتباينات هذي مرات تكون من جزء واحد ومرات من جزئين .. !
شنو اللي يحدد جزء والا جزئين .. ؟!
هي طريقة فهمنها للمسألة .. !
نلاحظ المسألة .. اللي تقول ..
إن الطرف الأيمن أكبر من .. ملاحظين أكبر من .. ؟
طيب أكبر من شنووو ؟!
من ال -2 ..
شنو الأرقام الأكبر من سالب 2
من ال-2 للصفر في ملايين الأرقام السالبة .. ويوم نطوف الصفر شنو نلقى .. راح نلقى الأعداد الموجبة كلها ..
يعني بهالحاله بما إنا مشينا شوية بالسالب .. وطفنا الصفر وعبرنا للموجبة يعني عندنا حالتين !

فرضا كانت المسألة > 2!!
نسأل روحنا شنو أكبر من ال2 ..
نلاقيها كل الأرقام الموجبه .. يعني عندنا حالة وحدة .. !!

أوكي ؟؟؟؟؟؟؟؟؟؟؟؟؟!!
أتمنى أوكي .. !!

نرجع لسؤالنا .. (ونحفظ طريقة الحل)

الجزء الاول: موجب

س-4 >0
س>4
(4،∞) ----- (مهمة في آخر الطرف الأيمن)
-------
أوله أستاذ محمد شنو سويت !؟
اللي سويته إني خذيت المقام اللي تحت وسويته أكبر من الصفر .. وكتبت ببداية الحل (موجب) يعني إني أبي أحل المسألة وكأن الطرف اليمين موجبة ..
-------
نسأل روحنا شوية .. الطرف اليسار .. شنو علامته .. ؟! موجبة والا سالبة ؟!
والله -2 .. يعني سالبة .. !
خوش .. الطرف اليمين موجب (احنا فرضناه) واليسار سالبة (موجودة بالمسألة)
موجب وسالب شو نسوي ؟؟ ماااااانقلب ((أقصد بالـ ما نقلب إن ما نقلب العلامة اللي بالنص ال >))

س-4/2 > -1/2 (نضرب ب 2 عشان نفتك من المقام)
س-4> -1 (نودي ال 4 الجهة الثانية
س> 3
(3،∞)

عشان نطلع مجموعة حل الطرف الأيمن بس .. نسوي عملية تقاطع بين ال (4 ،∞) و (3،∞)


م.ح1 (4،∞) ∩ (3،∞) = (4،∞) ----- (مهمة في آخر المسألة)



الجزء الثاني: السالب

س-4< صفر
س<4
(-∞ ، 4) ---- (مهمة في آخر الطرف الأيسر)
-----

نتذكر اللي قلنالكم حفظ ..
الجزء سالب .. والرقم اللي باليسار -2 سالبة ..
سالب وسالب .. شنسوي .. ؟
نقلب

س-4/2 < -1/2 (نضرب ب2 عشان نفتك من المقام)
س-4< -1
س <3
(-∞ ، 3)

عشان نطلع محموعة حل الجزء الأيسر .. نسوي عملية تقاطع بين (-∞ ، 4) و (-∞ ، 3)

م.ح2 (-∞ ، 4) ∩ (-∞ ، 3) = (-∞ ، 3) ----- (نجيك على مجموعة الحل الأولى)


مجموعة الحل الأخيرة عبارة عن (إتحاد) مجموعتي الحل اللي طلعناهم ..

(4، ∞ ) اتحاد (-∞ ، 3) = ح/ [3، 4]

ملاحظات هامة ..

- إذا كان عندي جزء واحد للحل نقدر نسويها جزئين وأكيد واحد فيهم يطلع Ф (فاي)
- اذا طلع عندي جزئين مثل المسألة اللي طافت لازم فيها ح ما عدا . . وتنكتب بهالشكل ح /
اذا كان بالمسألة ≤ أو ≥ ففتح الفترة
واذا ما كان (مثل المسألة مالتنا) نصكر الفترة
[/hide]

فرفوشه

:: ضيف شرف ::

#2
ابلتي :

يعطيك الف الف عافيه

موضوع رااائع

وجهود أروع

ننتظر المزيد

شجر الصابب

:: عضو قادم ::

#3
جزاك الله خير

المهندس 77

:: عضو قادم ::

#4
Thannkss ooooooooo

عصام الفولي

:: عضو جديد ::

#5
شاكر علي المجهود الجبار

العشتار

:: عضو متألق ::

#6
شاكرين مجهودكم

mtariq2009

#7
جزاك الله خيرا

clever naz

:: عضو جديد ::

#8
thaaaaannnnnnnnnnnkkkkkkkkkkkkksssssssss

المدرس الأول

:: عضو نشيط ::

#9
جزاك الله كل خير وأجر وعافية

تفاحة

:: عضو نشيط ::

#10
الف الف شكر
إضافة رد


يشاهدون الموضوع : 3 ( عضو0 زائر 3)
 
أدوات الموضوع

الانتقال السريع