07 - 01 - 2015, 05:17 AM
اقتباس:
|
المشاركة الأصلية كتبت بواسطة الوميض الأزرق
اليوم حبيت أكتب لكم درس لاصفي مبتكر مسميته النرد الملون [hide] تقدرون تحطون نرد ملون أو تحضرون شكل مكعب وتلزقون عليه قص ولصق بألوان مختلفة وتقسمين الأطفال لمجموعتين مجموعة كبريت ومجموعة الغاز وتسوين مسابقة بينهم تحطين أسئلة عن النفط بس ملاحظة يفضل تسوينه بالأسبوع الثانى من الخبرة عشان بيكون حزتها الطفل عرف وفهم شسالفة النفط لان اليوم حسيت الأطفال طاقتهم البوهه موعارفين شسالفة نفط درس ثقيل وجامد فخليه الأسبوع القادم بس الأسئلة خليها حركيه بحيث فيها مسابقة يركبولج منظر محطة بنزين مثلا يحضرولج أحد مشتقات النفط من ركن خلى مسابقات فيه عرفتى فى عهد اى شيخ حطى مجموعة صور الشيوخ وخليهم يطلعون لج شنو وسيلة إستخراج النفط طرق نقله حاطه شاحنة نقل مالت البترول او صورة إذا ماعندج بس إستخدمى بأسألتج أوراق ملونة مثل ألوان النرد ترا درس حلو ودخلى بارنى الفصل لبس بارنى أو أى شخصية محببه للاطفال ومعاه سجاده بارنى ليش أطفال يصلى ليشكر الله على نعمة النفط ترى حلو درس لاصار آكشن الأطفال بيستانسون لحد فج الباب خلسه لاتخلينهم يشوفون عرفتى اى نسيت أقولكم منبه خلوه بارنى يدش عشان مره وحده فيه سلوكى معاه سجادته عشان يعرفون بانه ديناصور ومنه تكون النفط ويعطيهم هديه النرد الملون عشان تلعبون عرفتوا إذا ماعندكم حطوا صورة بارنى بالداتا شو موشرط طفل يلبس إذا ماكو لبس وحاولى تسجلين صوتج وتدخلينه بور بوينت يكلمهم الأطفال او مسرح عرائس إذا ماعندج داتا شو لازم نستعد بكل الاوقات صورة بارنى ساعات ماعندى شخصية فبعوضها بصورة وتكلمى مع اليهال منو انا انتا بارنى يعنى انا فيل مثلا راح يقولون لا انتا ديناصور وناقشيهم شوى لحد مايطلع شي أسود نقط قطيها جدامهم وسأليهم شهذا لحد مايقولج نفط خليه على جسمه البقع يعنى رفعيه من مسرح العرائس وخليهم يستنجون بارنى يقول أطفال ماذا حصل لى شلنقط السوداء بعدين يشكرهم بارنى ويعطيهم النرد أعتقد زين جذى فى نهايه ترا فيه وقت قسمى الأطفال 4مجاميع مجموعة ترسم حقول نفط ومهندسين ومجموعة بازل لمنظر مشتقات نفط بس قصيهم وايد صغار لان طفل بسرعة يخلص ورقميهم عشان ماتخربطين ومجموعة تسوى مشروع ناقلة النفط البريه من كريشة وفلين مقوى وقصدير ومجموعة متاهه صورة رجل بالخرز الملون توصلينه لمحطة البنزين من خام جوخ سويه المتاهه رسمى مايبيله شي وخشيهم بينفعونج عرفتوا واممم وتقدرين تستخدمين صدرية المطعم بعمل مشروع رسمى عليها منتجات النفط اى شغله بقولكم شي نشاط هذا يمكن تقولون صار مرسم بس ترى ماله شغل لان سير نشاطج مسابقات وحطيتى منبه فالوقت زايد إستفيدى منه لان الدرس بسرعة راح يخلص والدرس قابل للتطوير تقدرون تحطون اى شي زياده مجالنا لاحدود للإبداع وموفقين [/hide] |
.
