ياكويت

مرحبـــــــــــــــــــا

اووووووووووووول شي لفت نظري ان ابلات واجد

حاطين هدفهم الحس حركي ..تقليد حركه السمك

واحسه غللللللللللللللللللط جد شلون يقلد

انتي الحين وقفي وقلديه

مايضبط فريحوا عمركم وخلوه عمل مسابقااات حتي انها اسهل




وبعدين اللي تبي تتعرف علي البيئه البحريه تجي


عندي لكم منبه وعلي قولت مشرفتي انه فوق الممتاز


هي ورقه اقعد اقصصها لين تصير علي شكل سمكه...

وورقه ثانيه بعد اققصها لين تصير شبكه

نصيد السمكه بالشباك ....ومنه نقدر نتوصل للبحر

منبهاات للهدف بتعرف ع ان ماء البحر مالح..
يتعرف على كيفية استخراج الماي حديثاا
يتعرف على بعض المهن البحريه..


يتعرف علي ان ماء البحر مالح

اول شي عشان تسهلينه سوي منبه يوصلج للبحر

بعدين بقصه ان طفل كان يلعب وحس بعطش وقال لامه بشرب من البحر



واذا ماعجبج


جربي تحطين لهم اكواب كثيره

فيه ماي....مالح ....حلو....وعذب..وخلي طفل يشرب واحد والثاني يشرب غيره

وبعدين اسئليهم شنو طعم

لما توصلين للمالح اسئليهم شنو الماي المالح الموجود عندنا..البحر







يتعرف علي بعض المهن المرتبطه بالبحر

حياتي ارجعي لتجميع خبره بلدي الكويت

تلقين هناك عن المهن الكويتيه القديمه واللي هي مرتبطه بالبحر

نفس الشي



اما عن هدف استخرج الماي

شوفي بالصف سوي بكل ركن مرحله من مراحل التقطير

واشرحيه برحله يقودها عامل يعمل هناك

والمنبه خليه بطول ماي معدنيه مختلفه الانواع

اللي من البحر واللي من الابار واللي من الانهر

وتعرفوا عليها...ثم اسئلي الاطفال اذا حابين يشوفون عمليه استخراجها

عندي لكم منبه حلـو

وهو مظله مقصصه تطلبن من واحد يركبها لج وفي الاخير تسسألينهم شنسوي فيها راح يقولون نسستخدمها عششان الشمس وبالمطر المهم انتي بطريقتج ليـما يوصلون انهم يسستخدمونها على شاطي ـالبحر ثم تدخلين بهدف المحافظه على نظافة الشاطي لمـاا اتزورونه تالي تطلبين منهم يجمعوون صور في الاركـاان وتكون الصور صورة لولو وصوره اصداف وصورة مرجان وتعلمينهم ان هذي الاشيـآء موجوده بالبحر


مسابقتي هي جمع الاصداف بجيب خامتين زرقا وحط على نصها رمل يعني شاطي وفوق هالشاطي اصداف وعلى مجموعتيـن يلمون الاصداف في سلال والمجموعه الاولى اللي تلم الأصداف الي على شاطيها اول شي




ومنبه ثانيه تقدرون تسستخدمون بالبدايه مسسرح عرايس اثنينه قاعدين يتناقششون واحد يقول للثاني شنو عندك يقوله عندي لغز بس ما عرفت احله يقول ليش ما تستعين بالمحقق كونان يساعدك على حله


تالي يطلع كونا على الاغنيه ولد لسيه نظاره وياه المجهر وانتي تكونين حاطه اظرف بثلاث اركان اظرف الوانها مختلفه
المهم يجيب الظرف اللي لونه احمر مثلا من ركن المكعبات يطلع قطعة خششب وداخل الظرف الاحمر رسساله تقول انه على كونان ان يتوجه لركن مثلا المكتبه ليحضر مثلا الظرف الاخضر وتشغلين الاغنيه
ولي جاب الظرف الاخضر تفتحين الظرف الاول ويكون في قطعة خششب وتسسالينهم شنو نقدر نصصنع من الخششب المهم تسسمعين لاجوبتهم وتقعدين تسالينهم ليما يوصلون لسفينه

تالي تطلعين السفينه من لظرف الثاني اللي جابه كونان وطبعا تعلقين الخششب بعدين جنبه علامة زائد بعدين صورة السفينه بعدين حطي علانة يسساوي يصير جنها معادله تالي افتحي الظرف الثاني وطلعي منه ورقه ومكتوب يها على كونان ان يتوجه الى ركن مثلا الفنيه ليحضر الظرف الاخير اللي لونه مثلا ابيض
ويروح الولد ولي جاب الظرف ااخير تقعدين تناقششينهم عن صورة السفينه وين نششوفها ليما يوصلون للبحر تالي تسمعينهم صوة البحر وتطلين صوره للبحر وثم تقولين للكونان ششكرا لك على حل اللغز وتسالين الاطفال هل عرفتم حل اللغز لقد كان بحر


وتبدين بسسير الدرس

وفي النهاي للحلقه اللي هي التغذيه الراجعه طلعي من مسرح العرايس الشخصيتين اللي طلعو بالبدايه ثم يسسال الاول ها بششر مثلا يا حمد هل اسستطعت ان تحل اللغز تقول الشخصيه الثانيه نعم تالي يسسال الأول شنو هو الحل بيقوله مثلا حمد اطفال صف 2 مثلا 3

راح يقولون لك الحل

عندى منبة انشاءالله يعجبكم
تدخل قطة تبجى تسالها المعلمة عن سبب بكاؤها
يخمن الاطفال السبب
هل انت عطشانة----------- لا
هل احدهم ازعجك --------- لا
هل انت ضائعة ---------- لا
هل انت جائعة ------------- نعم
اطفال ماذا تحب القطة ان تاكل دائما وطعامها المفظل
السمك منبة لكلمة سمك

جيبي قطعه كريشه لون ازرق وثبتيها بمغناطيس على السبورة وناقشي الاطفال بشنو ممكن تكون....
الى ان يتوصلون الى البحر ودشي بدرسج بشنو نلقى بالبحر ...وكل ماتقولين شي لصقيه على البحر اللي على السبوره

المنبه انا سويت فكرة ماخذتها منكم مادري من منتدى ثاني
انج تجيبين علبه الوجبه الشفافه وتحطين فيها ماي ويكون عندج لون ازرق وتحطينه لما يصور لون الماي ازرق بعدين تكونين راسمه على ورقه بيضا باللون الشمعي الابيض صورة سمكه ودخلينها بالماي راح يتلون كل شي ماعدا اللي رسمتيه راح تبين السمكه

منبه ثاني تجيبين الوان الاصابع الازرق وورقه بيضا وكل طفل يرسملج اللي يبي بس يكون باسفل الصفحه بعدين انتي ترسمين تموجات وتكملين الشكل يصير بحر (:


بعدين تعززين الوطني والديني والسلوكي بقصه..
ثم تنتقلين للدرس من فوائد البحر ... السمك تكونين حاطه طبق فيه سمكه جنها صجيه لعبه ومعاها خس جنها مطبوخه يجيبونها من ركن المطبخ (: وتكلمينهم عن فوائد السمك.

بعيدن تنتقلون للركن المنزل تكونين حاطه سفره زرقا جنها بحر وتوزعين عليها اسماك وقواقع وتكونين ملبسه احد الاطفال لبس الغواص ومعاه الشبكه اللي معلقه برقبته فيها محار انتي حاطه فيه لولو ومسكرته شحلااااته وتسألينه انت منو؟؟ وتشوفون شنو صاد؟؟
لما تفتحينه جنه صج (: وتفتحين صندوق كشخه فيه عقد لولو وتلبسينه احد البنات


بعدين ركن المكعبات تحطين سفره هم بعد على شكل بحر وعلى جانبها رمل مع ملح خشن وتخلينهم يتحسسون الرمل ويكون وياج منخال تنخلين الرمل ويبقالج الملح وهذا فائده ثالثه

وكل هذا لازم تحاورين الاطفال واذا بتضيفين( ماي صحه ابراج )والمركب يمشي في البحر والاسفار

ومسابقاتج يصيدون سمك منو اكثر ..هذي لعبه شريتها معاها سنارتين وسمج في مغناطيس شحلاتها كبيره (:

ومسابقه ثانيه حطيت محار نصه فيه لولو ونصه مافيه ويجمعون بالشبك مال الغواص يحطونه على رقبتهم وبعدين نفتحهم ونشوف منو اكثر محار وووووووووووبس اتمنى افدتج يمكن متأخر بس توني شفت الموضوع

مساء الخير

فوائد البحر هذا كان درسي اليوم ودشتلي الناظرة وايد عجبها

شوفي أنا بديت بسؤال الأطفال شرايكم بالجو اليوم قالو غبار قلتلهم لو مو غبار وين ودكم نروح رحلة ؟ وإخذي كذا إجابة بعدين قلتلهم أطفال شرايكم تحبون نروح البحر ؟ طبعا كل هذا بدقيقة لاتطولين أكثر.

خذيت الأطفال ودخلتهم قاعة الحركية لأنها يم صفي وكنت حاطة قطعة خاام كبيرة لونها أزرق يعني بحر وحطيت سمج وطبعا لا تنسين الشاطئ قطعة خام لونها أصفر أو كركمي ونثري فوقها رمل وقواقع وزعي سنارة و أدوات الرمل وييبي مركب و للؤلؤ و نثريهم بطريقتج و خلي طفل أو اثنين يلبسون لبس صياد

وبعدين خلي الأطفال يعيشون الجو 5 دقايق مع المسجل وصوت البحر وناقشيهم شنو سوينا وشنو شفنا أول واحد سأليه الصياد قوليله من أنت راح يقولج أنا الصياد ماذا فعلت ؟ وجذي تخلين كل الأطال يشاركون ويتفاعلون..
وأي سؤال أنا حاضرة إنشالله أكون أفدتج.

وإذا كلش كلش توهقتي مسرح العرايس وأطفال عندي لكم قصة عن أسرة ذهبت إلى شاطي البحر..

السلام0 تقدرين تسوين منبه عن مرش اماي من قص ولصق انه من ادوات البحر وتدشين على فوائده والمنبه مربع تحطين على صوب رقم واحد من القص والصوب الثاني رقم اثنين وتحت الواحد رقم خمسه ونقطيه في الاخر
الملونه وخيط الصوف تسوين شكل سمكه0 ان شالله يعجبج شي منهم
تنبية : خيرات البحر مو الفؤائد
الفؤائد الاسفار وان الكويت مركز تجاري
وتقطير ماء البحر للماء العذب
وما يصير اتطرق للولو او المحار او الملح او الاسماك لانه من خيرات البحر مو الفؤائد

هذا درس رووووعه
الأهداف المعرفية... يتعرف بعض الانشطه البحريه والاجتماعي يحرص على نظافة الشاطئ والحسي حركي يقوم بعمل مسابقات مرتبطه بالخبره


الانشطه اللي اخترتها كانت ..(صيد السمك/.السباحه./جمع القواقع)
وطبعا هذي موجوده بدليل المعلمه

بديت بمنبه بالبوربينت دوائر ومثلثات لين وصلنا للسمكه وسمعتهم صوت موج البحر .. بعدين كنت ملبسه طفل وزار مع القحفيه ومعاه سله خزف كانه صياد... ودش عليهم وتعرفو عليه وكان معاه اسماك بالسله

كنت حاطه بواحد من الاركان ع الارض بيئه بحريه ورق كريشه ازرق.. طحالب قواقع سمك

... وسألتهم تحبون البحر..شنو ممكن نسوي لما نروح البحر

وسمعت انواع الاجابات لدرجه ان واحد منهم قال نشرب قهوه وجاااااي خخخ يااحلااته

هني دخلت ع الانشطه الباقيه..السباجه:قلت لهم نسبح بالبحر ونلعب كره بس مانبتعد عن الشاطي ونلبس سترة النجاة وجمع القواقع: نجمع القواقع نصنع منها اشياء جميله كنت مسويه برواز ومزينته بقواقع ماتت عليه المشرفه لدرجه انها اخذته وريتهم اياه وبعدها قامو يزينو براويز صغار معطتيهم اياها وبعدها مسابقاات

الاولى حطيت سفره لونها اسود وعطيتهم طباشي قلت ارسمو شي من درسنا اليوم اللي خذينا

بعضهم رسم قواقع والثاني سمك ..الخ

المسابقه الثانيه جمع القواقع .. قسمتهم فريقين وطلعت طفلين وكل فريق يشجع الطفل اللي منه

اللي يجمع اكثر من الثاني يفوز.. وطبعا حطيت الميزان وشفت من اكثر

واخيرا صيد السمك بواسطه السناره.. االلي عند ابو ميه اللي فيها مغناطيس الكبيره مو الصغيره ..حطيت سنارتين وطفل من كل مجموعه

ومجموعه اسماك اللي يجمع اكثر يفوز


والاجتماعي كنت عارضه شفافيه منظر شاطئ نظيف والثاني في اوساخ وأأكدت عليه لانه مهم

جزاك لله الف خير