Close Menu
الساعة الآن 10:45 PM

منتديات ياكويت.

للتسجيل إضغط هنا

إضافة رد

صدقني@صعبه

معلمة علوم ابتدائي

أفكار لورش عمل علوم الصف الأول الابتدائي للفصل الأول

السلام عليكم

شلونكم


مطلوب مني اسوووي ورشه. بالقسم اتكلم عن فصل النباتات للصف الاول

وموعارفه شسوي ولورشه يوم الاثنين وما عارفه الطريقه لانه قدموا قبلي 2

وما اعررف احد قبلي بالتربيه ياليت تساعدوني وتوضحون لي الموضوع

اي ولا زم اكتب مقترحاتي او افكار تخص هالفصل وانا ما اعرررف شلون انتقد

اللي عندها ورشه من قبل وسوتها لا تبخل علي وربي معتفسه

وشنووو اوزع عليهم لانه اللي قبلي وزعوا ورد واقلام ونوت

وشكرررررااااا

فرفوشه

:: ضيف شرف ::

#2
هلا والله حبيبتي ..

شووفي عمري انا مالي خبره بتدريس . واللي كانت

تقدر تساعدج بطلبج مدرسة علوم واهي من غير شر غايبه

تعباانه ..

وانا رح اساعدج باللي اعرفه .. عن النباتات بس كيف الطريقه والشرح

سوووري عذريني .......


أهمية الغذاء في حياة النبات والحيوان:
أ- الغذاء مصدر الطاقة للكائن الحي " نبات - حيوان - إنسان "
- يحترق الغذاء في وجود الأكسجين وينتج عن احتراقه تولد طاقة حرارية وينطلق غاز ثاني أكسيد الكربون وبخار الماء.
نشاط "1":

معادلة احتراق الغذاء:


ب- يساعد الغذاء في الحفاظ على ثبات درجة حرارة الجسم.
نشاط "2":


ج- الغذاء ضروري لقيام جسم الكائن الحي بالأنشطة الحيوية.
- عند القيام بالأنشطة اليومية فإن جسمك يتطلب مزيدًا من الطاقة وهذا يحتاج إلى احتراق المزيد من الغذاء ولذا نتناول كمية أكبر من الطعام عند مزاولة الأنشطة وكمية أقل عندما لا تزاول أي نشاط.

د- الغذاء ضروري لبناء جسم الكائن الحي ونموه.
نشاط "3":

نشاط "4":

هـ - الغذاء ضروري للمحافظة على صحة الجسم ووقايته من بعض الأمراض.
- عندما يحدث كسر لذراع شخص ما ، نلاحظ بعد فترة التئام الكسر
- وذلك لأن الغذاء السليم والعلاج المناسب يساعدا على التئام الكسر.

الاستنتاج العام

1- المواد الغذائية تحترق في وجود الأكسجين وتتولد طاقة حرارية وغاز ثاني أكسيد الكربون وبخار الماء.
2- الغذاء ضروري للكائن الحي " نبات - حيوان - إنسان " حيث يمده بالطاقة اللازمة للقيام بالأنشطة الحيوية المختلفة، ويحفظ درجة حرارة جسمه ثابتة.
3- القيام بمزيد من الأنشطة يتطلب مزيدًا من الغذاء.
4- الغذاء ضروري لنمو الجسم وتعويض ما يتلف من أنسجة وخلايا
5- الغذاء ضروري للوقاية من بعض الأمراض. والمحافظة على صحة الجسم

مادري اذا كنت افدتج بشي او لاااء

معلمة علوم

:: الادارة ::

#3
يالغالية توني اشوف هالموضوع والله ومثل ما قالت لج اختي فرفوشة انا شوي تعبانه لكن بحاول اساعدج حسب الوقت اللي موجود عندنا لانه الورشة باجر والله يساعدج ان شاء الله
الفصل اللي صار من نصيبج بصراحة احلي فصل كله انشطة وتجارب بقمة الروعة ..... يالغالية لازم تسوين بور بوينت تكلمين فيه عن هذا الفصل حطي الانشودة في بداية الورشة وحلو لو تسوينها علي وسيله كبيرة كلوحة جدارية واذا ما تقدرين سويها شفافية المهم تنعرض واذا عندكم بالمدرسة هالانشودة بشريط احلي واحلي بعد
تكلمي بالبوربوينت عن الدرس الاول وهو كيف تنمو البذرة وحطي وسيلة مراحل نمو البذرة وان حصل وحطي بنات يزرعون بذور شي حلو وطيب لانه هذا نشاط مطلوب منهم
حطي فيلم عن انتشار البذور وهالفيلم موجود بالمنتدي واذا في مجال خلي مثل معرض جانبي علي يمينج صغير فيه مشاريع البنات في هالفصل من السنوات السابقة مثل لو تحطين دلاغات فيها شوك او تجيبين بذور تطير مثل نبات الدفلة والهندباء موجودين بالشارع شكثر هذا للعرض فقط
تكلمي عن الدرس الثالث وهو ماذا يحتاج النبات لكي يعيش حطي مصورات وان حصل انج تسوين حركة مثل تعرضين مشكلة وتقولين مثلا اشترت مها زهرة جميلة ووضعتها في كأس به ماء ووضعتها في غرفتها وبعد فترة ماتت الوردة يا تري ما هو السبب ؟؟
تكلمي بالبوربوينت عن الدرس الرابع عن اجزاء النباتات التي ناكلها وحلو لو تحطين عينات صجيه مثل جزر وقصب السكر وقرنبيط والخ وتقدرين تحطينهم في سله وتقدمينها اهداء للحضور حركة تشيحط خخخخخ
اذا عندج لعبة تربوية عن اجزاء النبات مثلا تسوين تركيب بازل او تسوين لعبة تعرفين لعبة الدومينو سوي نفسها بس خلي اللعبة مقسمة جزئين ( جزء تكتبين فية اسم جزء النبات مثلا جذور - والجزء الثاني تحطين صورة جزء النبات مثلا جزر والبنت تركب الصورة المناسبة للجزء المناسب)
تري هالالعاب مو مطلوبه منج بس انا قلت اعطيتج افكار اذا تحبين تميزين عن غيرج
اخر شي تكلمي عن مراجعة الفصل وعن نشاط هالفصل هو لعبة الغاز اجزاء النبات
اما بسالفة النقد انا بصراحة الفصل كله عاجبني بس سالفة تجربة استطلع الرطوبة احس نتائجها مو مضبوطة والتلاميذ بهالمرحلة يمكن ما يستوعبونها لو يحطون تجربة بديله بدالها احسن انا الحين ما تطري علي فكرة لكن اذا طرت علي راح افيدج فيها يالغالية
وبس سلامت طولج وعرضج
انتي فصلج عن النبات قدمي اهداءاتج عن النباتات مثل وردة الشتلات اللي شكلهم علي وجوة عند ابو 100 فلس
هذا اللي اقدر اساعدج فية وراح ارد علي الموضوع بعد شوي المسا اذا محتاجة اي استفسار انا حاضرة
بهالمنتدي في الكلمات الجديدة لكل المراحل مطبوعة جاهزة استفيدي منها وفي ادلة اللوحات الشفافة ممكن تساعدج بالورشة
بالتوفيق ان شاء الله ......سوي اللي تقدرين علية صدقيني راح يصير من اروع ما يمكن. *

صدقني@صعبه

معلمة علوم ابتدائي

#4
يا حياتي ما قصرتي كفيتي وفيتي والحمد الله على سلامتج
بصراحه محتاجه هالافلام بس شلون احصله وين القاه

معلمة علوم

:: الادارة ::

#5
تستاهلين يالغالية .... والله يعلم لو شايفة الموضوع مبجر جان ساعدتج اكثر لكن ما باليد حيله
الافلام ان شاء الله راح اسويلكم موسوعة كاملة بالمنتدي عن االافلام اللي نحتاجها لمنهج العلوم ويكون تحميل الفيلم مباشرة
انا بديت بالموضوع وحطيت اول الافلام لكن المرض اللي جاني خلاني اوقف شوي وراح اكمل بعد ما اتعافى ان شاء الله
شوفي هالفيلم عن انتشار البذور انا مامداني انزلكم الرابط مباشرة من اليوتيوب انتي حاولي تنزلينه من برنامج اسمه youtube downloader
http://www.ykuwait.net/vb/showthread.php?t=37446

وهذا فيلم ثاني عن اجزاء النبات
http://www.ykuwait.net/vb/showthread.php?t=37445

الله يوفقج بالورشة وان شاء الله نبيج متواصله معانا علي طول تري هالمنتدي معمول لخدمتكم حبايبي وعلشان نتبادل الخبرات بينا احنا يالمعلمات
بشرينا شنو صار معاج بالورشة وان قدرتي وما يضايقج تصورين لنا الاشياء اللي حطيتيها بالورشة اكون شاكرة لج علشان كل الاخوات يستفيدون منج والله تبونه مني انت حاضر لا يردكم الا احرف الكي بورد على قولتهم ههههههه
تصبحين علي الف خير اختي

صدقني@صعبه

معلمة علوم ابتدائي

#6
يا حياتي ما قصرتي يالغلا
والله صار معاي اليووووووووووووووم شي يحبط للغايه مسنعه قشي وشغلي
وكل اللي شي
اخر شي قالت ما ابي النبات لانه مكرر
خلج الاسبوع الجاي عن الحواس عاد الحييين محبطه مدري شسوووووووووووووووي

وربي وربي منهاااره


مسااعدتكم بالورشه عن الحواااااااااس افكاااركم

معلمة علوم

:: الادارة ::

#7
ههههههههههههههه
انا لو مكانج اكفخها بالكرسي علي ضروسها ........اتغشمر معاج والله ..... خيرة ان شاء الله
الحين هذا اعتبريه تدريب نفسي لج وكسرتي الخوف من تقديم الورشة
المرة الجاية ما راح تكونين خايفة مثل اليوم خلاص النفسية ان شاء الله راح تكون احسن وراح اذكرج خخخخ

وانا ان شاء الله راح اساعدج باللي اقدر علية بس اسألي رئيسة قسمج عن تفاصيل الورشة وشنو تبي بالضبط علشان تصير علي مستوي ينحسب لج بالتقدير
والله يكتب الله فية الخير .... بالتوفيق ان شاء الله

صدقني@صعبه

معلمة علوم ابتدائي

#8
ههههههههههههههههههه
شفتي شلوووووووووووووووووووووون
امممممممممممممم والله تقوووووووووووووووول ابي اشووووووووووووف قدراااااااااااتج وعساس انها ادربناااا وتتعودين السنين الجاااااااااااااااايه

والله هالفصل احس انه سهل ممتنع يعني احترررررررررررررت شلوووووووون انسق بالصور وشلون احط الدروس وطريقة البداية العرض شلووووووون احس حيل صعب


وشكرررررررررررررررا لج يالغاليه

معلمة علوم

:: الادارة ::

#9
شلونج اختي صدقيني@صعبة.......... ايوم راح اشرح لج اهم النقاط في فصل الحواس في وحدة جسم الانسان للصف الاول الابتدائي

في البداية الفصل هذا فيه العلوم التكنولوجيا ..... تكملي عن الاشياء المذكورة بالموضوع مثل (الاذن - السونار ثلاثيي الابعاد - وعن صورة القرنبيط اللي بالصورة) تكلمي علي السريع

حطي انشودة الفصل علي شفافية واذا الشريط متوفر اعرضيه ...........هذي صورة للانشودة جاهدة للطباعة ........للمشاهدة اضغطي هنا

الدرس الأول : ما الذي تراه وتسمعه ....... تكلمي بالبوربوينت مجرد نقاط سريعة عن اهم الاشياء اللي راح يتعلمونها التلاميذ في هذا الدرس وحطي مصورات عن حاسة النظر والسمع ..... يالغالية هذا مصور الدرس حطيه بالبوربويت للمشاهدة اضغطي هنا
تكلمي عن نشاط الدرس الاول شلون يتم تطبيقة واعرضي التجربه اما عملي واما فيديو مصور مسبقا ..... وحطي حل نشاط الدرس الاول بكراسة التطبيقات وهذا مهم حلو والله

الدرس الثاني : ماذا يمكن ان تشم او ان تتذوق .... تكلمي عن حاسة الشم وحاسة التذوق واعرضي النشاط المطلوب من التلاميذ في هذا الدرس مع الحل النموذجي بالكراسة ..... هذي صورة الدرس اعرضيها بالبوربوينت للمشاهدة اضغطي هنا

الدرس الثالث : بم تشعر عندما تلمس الاشياء ..... في هذا الدرس تكلمي عن حاسة اللمس ومنو العضو المسئول عنها وطبقي النشاط المطلوب مثل ما قلتلك اما عرض مباشر لمجموعة من التلميذات او فيديو مصور وانا اقترح عليج حركة حلوة لو تخلين المدرسات يشتغلون معاج بالورشة يعني جنهم طالبات والله يصير الموضوع فيه فرفشة ووناسة (تري هذي ورشة ) يعني لازم تشغلين الحضور شوي ؟؟؟؟
لمشاهدة الصورة في هذا الدرس لعرضها في البوربوينت اضغطي هنا

هذي يالغالية صور الحواس الموجودة بالكتاب اذا تحبين تكبرينها وتقصينها صغار واتغلفينها تغليف حراري وتحطين عليها مغناطيسات علشان تنعرض على السبورة للمشاهدة اضغطي هنا

بعدين تكلمي عن مراجعة الفصل والنشاط المطلوب من الطلبة في هذي المراجعة وهو صنع لوجة جدارية لمسية ...... بصراحة انا انصحج اهني خلي المدرسات يسوون هاللوحة عطيهم اوراق سنفرة خشنة وخام الجوخ وحرير وكريشة وخرز وقطن وقوليلهم يالله سوولي لوحة لها ملامس مختلفة والله راح يستانسون ......

اعرضي الكلمات الجديدة اللي موجودة بالمنتدي علي هذا الرابط ..........للمشاهدة اضغط هنا

اعرضي اللوحة الشفافة لهذا الفصل وهذي متوفرة بالمنتدي ........ للمشاهدة اضغطي هنا

اعرضي اوراق العمل المطلوبة لتقديم الفصل والمراجعة ورسائل ولي الامر وهذي موجودة بدليل التقويم وهم متوفرة بالمنتدي ..... للمشاهدة اضغطي هنا

هذا يالغالية دليل للصور المفرغة (يعني ابيض واسود) فيه صور تحتاجينها اذا تحبين تسوين اوراق عمل على ذوقج وفرتها لكم بالمنتدي ....... للمشاهدة اضغطي هنا

حاطه لكم بالمنتدي كتاب التلميذ اذا تحبين تعرضين الدرس على البوربوينت .......... للمشاهدة اضغطي هنا

هذا درس بوربوينت عن فصل الحواس متوفر لكم بالمنتدي اعداد العضو عيد الجنفاوي ...... للمشاهدة اضغطي هنا

حاطتلج بالمرفقات كم صورة عن الحواس وبصراحة الانترنت متروسة مصورات وافلام طبي وتخيري

يالغالية هذا اللي اقدر اساعدج فيه الحين واذا في شي بعد خلينا على اتصال

بالنسبة للاهداءات وزعي اشياء ملمسها ناعم مثل ميدليات على شكل دب له فرو ناعم واكتبي على الميداليه اسمج وعنوان الدرس وحطي كم معلومه عن الحواس بورقة صغيرة وعلقيها بالميدالية وغلفيها تغليف حراري

وصدقيني لو تفكرين راح تلقين افكار احلي واحلي ........ موفقه يالغالية

الصور المصغرة للصور المرفقة
اضغط على الصورة لعرض أكبر

الاســـم:	1 ‫(21)‬ ‫‬.jpg‏
المشاهدات:	172
الحجـــم:	3.6 كيلوبايت
الرقم:	2881   اضغط على الصورة لعرض أكبر

الاســـم:	1 ‫(22)‬ ‫‬.jpg‏
المشاهدات:	134
الحجـــم:	3.3 كيلوبايت
الرقم:	2882   اضغط على الصورة لعرض أكبر

الاســـم:	1 ‫(23)‬ ‫‬.jpg‏
المشاهدات:	142
الحجـــم:	3.3 كيلوبايت
الرقم:	2883   اضغط على الصورة لعرض أكبر

الاســـم:	1 ‫(26)‬ ‫‬.jpg‏
المشاهدات:	140
الحجـــم:	2.3 كيلوبايت
الرقم:	2886  
الصور المرفقة
   

صدقني@صعبه

معلمة علوم ابتدائي

#10
مشكووووووووووووووووووووووووووووووووره حبيبتي والله والله اخجلتيني بكرمج يا حياتي ما قصرتي ربي يوفقج ويسعدج بحياتج
والله والله رحتني من هم شايلته اسبوعين
انزين فكره لعبه الابلات شلون اسويها ما فهمت عليج؟!
وااممممم شنو العاب ومستجدات تربويه استخدمها
بصراحه الفصل ما احس عليه نقد بس اتوقع الانه كراسة التطبيقات واجد
ورقة عمل مناسبة كمراجعه شنو احط صور؟
ومشكووووووووووووووره يالغلا
إضافة رد


يشاهدون الموضوع : 1 ( عضو0 زائر 1)
 
أدوات الموضوع

الانتقال السريع