درس كامل عن الزي الشعبي مع البوربوينت
درس كامل عن الزي الشعبي مع البوربوينت
الأهداف :
يتعرف على الزي الشعبي
يحرص على ارتداء الزي الشعبي
يشارك بجمع الزي الشعبي من الاركان
بعد ماتحطين البوربوينت ويتعرفون على الزي الشعبي الي يلبسونه البنات من بخنق وثوب النشل
الي يلبسونه النساء قديماً وتناقشينهم بالالوان وجذي
وتوضحين انهم يلبسونه بالماضيي
وهمن تتكلمين عن الدشداشه والوزار وانهم يلبسونه الرجال بالماضي
وضروري توضحين اسمائهم
(البخنق ثوب النشل الدشداشه الوزار)
وبعدين تسوين من مسرح العرائس مشهد بين ام وبنتها بيروحون العرس وشافت البنت امها تلبس ثوب النشل الي اهو ثوب الرقص فسالتها ليش تلبسينه هذا قديم قالت الام هذا لبس النساء بالماضي وعلينا ان نحرص يابنتي على ارتداء الزي الشعبي مال ديرتنا الحبيبه الكويت
وتخلينهم يغنون اغنيه وطنيه الي دايماً يغنونها بالوطني
جذي انتي حققتي الجانب السلوكي والوطني من مسرح العرائس
بعدها سوي مسابقه بين ولدين اسرع واحد يحضر الدشاديش ويلبسها
ومسابقه ثانيه بين بنتين اسرع وحده تلبس البخنق وثوب النشل وجذي
بعدها حطي ملابس حديثة وملابس شعبيه بين فريقين ويطلعون لج الملابس الشعبيه
الدرس حلو وبسيط وحطي بدال الموسيقى لرياضيه حطي اغاني شعبيه بالمسابقات وسوي جو حلو انتي واطفالج تستانسون
وبس فدييييييييييييييييتكم
