11 - 05 - 2012, 03:04 PM
السلام عليكم
الاحظ انه كثير من المعلمات يحتاجون لبعض الانشطة اللي تقدم للأمهات ..
الصراحة ماراح ابتكر شي يديد .. لكن بنقل أنشطة معلمات الروضة دايما يسوونها للأمهات .. طبعا بمشاركة عيالهم ..
واتمنى الفايدة لكم .. واتمنى اللي عنده اي نشاط انا مو كاتبته .. ويخدم الموضوع .. يكتبه لنا هني
حتى يكون الموضوع مرجع لنا .. نرجع له كل ما كان عندنا نشاط فيه الامهات ..
* مسابقة ترتيب الصحف :
ومن اسمها يبين .. انه نوزع الجريدة في انجاء الصاله .. ونخلي الطفل يجمع مع امه الأوراق .. وتقوم الام بترتيب الجريدة .. حسب الترقيم طبعا
*تقطيع السلطة :
تقوم المعلمات بتجهيز مكونات السطلة مع الاواني والدوات .. وتقوم الام بالتقطيع .. وابنها يكون يمها يساعدها باللي يقدر عليه ويشجعها.
* لبس الملابس :
تضع المعلمات ملابس للأطفال .. ( بنطلون - قميص - كاب - دلاغ - جذاء ) او اي ملابس موجوده .. وطبعا الدلاغ والحذاء نقدر نخليهم نفسهم اللي لابسهم الطفل .. يفصخهم قبل المسابقة .. والأم الأسرع هي الفائزه ..
* جمع الكور الملونه :
تصير هذي اللعبة للأطفال فقط .. او مع الامهات .. توزع كور ملونه حسب عدد الفرق ( 4 ألوان للكور = 4 فرق ) وتكون الامهات عند السلة .. تشجع طفلها وتدليه على الكور الخاصة بلون فريقهم .. يفضل تمييز كل فريق بشريطة او بلوزه او اشاره توضع للام والطفل . حسب لون فريقهم
* نشر الغسيل :
هذي اللعبة تحتاج إلى حبل ومشابك الغسيل .. ويمكن للمعلمات مساعدة الفرق بمسك أطراف الحبل .. ويقوم الطفل باحضار الملابس من سلة الغسيل .. وتقوم الأم بنشر الغسيل والفائزه يكون غسيل قد نشر بطريقة مرتبة ..
* تنسيق باقة ورد :
نقوم بتوزيع الورد على الارض ووضع الفازه عند الامهات .. فتقوم كل ام بمساعدة ولدها بترتيب وتنسيق الفازه بطريقة أجمل .. اعتقد من انها تكون أسرع ..
هذا اللي طرا على بالي .. وعموما اي نشاط تقدرين تبتكرينه انتي يا معلمة .. مثل تلوين .. لعبة رياضية .. مثل النط داخل الكيس .. او لعبة الكلمات المتقاطعة ..
* لعبة الكلمات المتقاطعة :
تحتاج المعلمه لعمل طبقين مقسمين إلى مربعات .. وكتباة الأحرف داخل المربعات وعمل كلمات متقاطعة .. وتقوم معلمة بقراءة تلميحات عن الشي اللي يجب ذكره
مثل نستخدمه في المطبخ .. ويكون مكتوب بشكل مقطع سكين مثلا .. وهكذا
اتمنى الفائدة للجميع .. والمتعة مع الامهات .. واتمنى زيادة الموضوع لمن لدية أفكار اخرى
