Close Menu
الساعة الآن 07:11 PM

منتديات ياكويت.

للتسجيل إضغط هنا

إضافة رد

Silence

:: عضو مميز ::

شرح مهمة الأشراف .. للمشرفين الجدد / مهم لكل مشرف جديد في منتدانا

السلام عليكم ورحمة الله وبركاته
شلونكم مشرفيننا ومراقبيننا شخباركم ؟

اليوم قلت اسوي موضوع يفيد مشرفين منتدانا ومراقبين منتدانا
واهو عبارة عن مهمة المشرف او المراقب .. يفيد الموضوع عن طرق عدة
واهي طريقة الحذف وطريقة النقل والتثبيت وغيره ..

.
.

أول شي نبتدي فيه :


1- طريقة حذف موضوع ؟ شلون نحذف موضوع
للحذف في طريقتين .. فيه حذف مع ترك سبب الحذف
يعني كل الاعضاء وصاحب الموضوع يشوف ليش محذوف
الموضوع وبيقرى السبب / لكن في حذف نهائي للموضوع
ينحذف من المنتدى بالكامل مافي احد يشوف او يقدر يشوف هالموضوع
لانه انحذف حذف نهائي وهالحذف عادة مانستخدمه الا للمواضيع الاكثر خطورة
وتشووه سمعة المنتدى للصور المخلة بالاداب وغيره مواضيع سب وجذي ..


اول طريقة حذف الموضوع مع ترك السبب كالتالي

ندخل على الموضوع الي نبيه
من فوق المووضوع راس الموضوع في كلمه اسمها " أدوات الموضوع "
نظغط عليها وبعدين بيطلع لنا بوكس طويل فيـه اكثر من خدمة
احنا راح نروح لكلمة حذف الموضوع نحط الدائرة على جنب الكلمة
وبعدين نظغط اعتماد او اوكي الي طالع لكم ..
بعدين بيوديكم لـ صفحة ثانية موجود فيها حذف نهائي ولا حذف مع سبب
انتو يالمشرفين طبيعي راح تختارون حذف مع السبب عشان العضو
يعرف شنو سبب حذف الموضوع .. وتكتبون داخل المربع سبب
الحذف .. وبس


هاذي لطريقة الحذف ..



.
.


2- طريقة نقل موضوع :


نفس طريقة حذف الموضوع في راس الموضوع نظغط على كلمه أدوات الموضوع
ونروح لكلمة نقل الموضوع بعدين بتوديكم لصفحة ثانية بيطلع لكم البوكس محطوط
فيه الموضوع الجديد تخلونه مثل ما اهو ، بس تروحون للمربع الي تحته
تختارون اي قسم تبون تنقلون فيه الموضوع .. وبعد ما تختارون القسم
تروحون للي تحت بعد تحطون بدون إعاده توجيـه .. وبس بعدين تطقون على نقل الموضوع
وبجذي نقلنا الموضوع من مكانه الغلط الى المكان الصح ..



3- طريقة تثبيت الموضوع وإلغاء تثبيت الموضوع :


اغلب الخدمات هاذي كلها نفس الشي مجررد زر نظغط عليه ويصير لنا
كل شي نبيه ، نروح ندخل على الموضوع الي نبي نثبته
بعدين من كلمة ادوات الموضوع نطق على كلمة تثبيت الموضوع بعدين تنفيذ
بيتثبت الموضوع ، واذا بنلغي تثبيت من موضوع معين نفس الطريقة بس بيطلع لكم
الغاء التثبيت تظغطون عليها وبعدين تنفيذ وبس انلغى تثبيت الموضوع



4- طريقة تعديل اسم الموضوع

هم سهله الطريقة من ادوات الموضوع نظغط على كلمه تعديل الموضوع بعدين
بيدخلنا على بوكس الصندوق الكلام نقدر نعدل اسم الموضوع ونقدر نعدل على اي كلمه نبيها
من الموضوع .. وبعدين نظغط حفظ الموضوع



5- لطريقح حذف رد داخل الموضوع / قد يكون غير لائق او محتواه سب وشتم
في داخل الموضوع ردود الاعضاء اي رد مُخالف نروح للرد نفسه
مربع الرد فيه مثل زاوية على اليسار فيها رقم اي رقم عادي بس كل رقم محطوط يمه مثلا جذي
12# ويمه مربع فيه صح .. اذا بنحذف مثلا رد معين نروح نظلل على مربع الرد
الي صاحبه غلطان فيه
ونحط الصح وبعدين ننزل اخر الصفحة
في كلمة اسمها خيارات المراقبين : نختار حذف المشاركات .. ولما يطلع لنا البوكس
نختار حذف المشاركات واذا طلع لكم نحط سبب الحذف وبعدين العضو اذا دخل بيشوف ليش
انحذف رده ..

وبس جذي اعتقد قدرت اشرح وظيفه المشرف للي أول مره يمسك مهمة الاشراف


ويعطيكم العافيه إن شاء الله تستفيدون مشرفيننا الجدد

أم الشيخ صالح

:: عضو فعال ::

#2

Anwar

:: منسق إداري ::

#3
عليكم السلام

بارك الله فيج هداووي شرح وافي

ومشرفينا ومراقبينا يستاهلون اكثر

ماتقصرين على الموضوع تقبلي مروري
سبحان الله وبحمده

Silence

:: عضو مميز ::

#4
ولو حبايب قلبي تسستاهلووون أكثثر منوورين فديتككم
إضافة رد


يشاهدون الموضوع : 1 ( عضو0 زائر 1)
 
أدوات الموضوع

الانتقال السريع