Close Menu
الساعة الآن 04:35 PM

منتديات ياكويت.

للتسجيل إضغط هنا

إضافة رد

فرفوشه

:: ضيف شرف ::

درس نموذجي مصور لدرس للصف الأول الابتدائي .. ( الجمعية التعاونية )


السلام عليكم

عندي لكم تصوير درس للصف الأول الابتدائي .. ( الجمعية التعاونية )

والوسائل اللي مستخدمينها مبتكرة .. وجاذبة للطفل ..


أول شي


لازم طبعا تحطون على مدخل الباب .. الترحيب ..





وبعدين

التمهيد .. كان تصوير عن ( بنت وأبوها ) يتمشون بالجمعية .. ويفضل جمعية المنطقة عشان البنات يعرفون جمعيتهم .. والتصوير يشمل

1 / دخول البنت مع والدها الجميعة وأخذ السلة .. والمشي بنظام بالجمعية .
2 / شراء المواد الأساسية والمفيدة .. والابنعاد عن الشي الضار .
3 / الذهاب للمحاسب بنظام .. دون عمل فوضى .. عكس عيالنا يوقفون وصوته يبط اذونك ( حجي حجي )

بس هذا ما قدرت أصوره .. ولا انزل الفيديو

::





رف لبعض مستلزمات الجمعية التعاونية .. وكل يوم لازم نحط مشهد تمثيلي عشان نعزز فيهم القيم .. مثل اختيار الافضل .. واختيار الانتاج الوطني .. والنظام .. والترتيب .. وهـ السوالف .. ولازم كل يوم مشهد .. يمثلون عند الرف ..


::





ومن ضمن الوسائل .. وهي ضرورية للصف الاول الابتدائي تكون في الفصل .. لوحة الحروف .. لأن البنات كل اسبوع ياخذون حرف .. ويدرسونه ويكتبونه بجميه سياقاته .. والحروف هني تكون معلقة .. والحرف اللي ندرسه .. مثلا كنا هني نناقش حرف الضاد ..

نوزع الحروف على البنات .. إلا حرف الضاد .. وطالبة تمشي بين البنات وتغني ( طاق طاق طاقية .. رن رن يا جرس .. الثعلب فات فات .. وفي ايدنه سبع لفات .. عندي مكتوب لصاحبتي ( لصاحبتي ) وحدة منكم أخذته ( آخذته )

وكل البنات يعطونها الحروف ويرتبونها على اللوحة .. إلا حرف الضاد .. تكون خاشته .. وبطلعه آخر وحدة ويتكلمون عنه .. ويشرحونه

::





هذي كلمة الدرس ( يَـضَـع ُ )

مسوينها على شكل طبق حلوى ..

نخلي وحدة تكون شيف .. تقول اليوم نقدم لكم طبقا شهيا ..

أولا نضح حرف كمية كبيرة من حرف ( الياء ) ونزينه بكريمة ( الفتحة )

ثم .. طبقة أخرى من حرف ( الضاد ) ونضيف إليه نفس الكريمة ( الفتحة )

ثم .. طبقة أخيرة من حرف ( العين ) ونزينه بكريمة الكاكاو .. اللي هو حركة ( الضمة )

::

وبعد كلمة الدرس .. نشرح جملة الدرس .. وهي جملة صغيرة ناخذها من الدرس ونناقشها ..

ومن ضمن النقاشات .. ان احنا نحط الكلمات غير مرتبة .. ونرتبها .. ونعرضها بطريقة يحبونها البنات مثل هـ الطريقة





::

وهني السبورة .. طبعا لا تدققون على الخط .. لان المدرسة كثر ما تقدر تخليه مقروء للصف الأول .





::

طبعا بالصف لازم يكون عندج لوحة .. للطالبات المميزات والفائقات .. وبعض البطاقات وكلمات الدروس .. عشان تكون جدام عينهم على طول ..






::

على فكرة .. أغلب المعلمات تكون حصصهم اليومية بهذي الوسائل .. ولازم اسبوعيا تروح السوق .. وتشتري الوسائل وتخترع حركات ..

الحين عرفتوا وين معاش المدرسة يروح ؟؟


منقوول لعيونكم

Anwar

:: منسق إداري ::

#2
الله يعطيج العافيه

المعاش رايح للنماذج

الله لا يحرمكم الاجر

سبحان الله وبحمده

فرفوشه

:: ضيف شرف ::

#3
يعطيك العافيه باشاااا

منور :: خلاص مابي اشتغل بالتدريس :: اخاف معاشي

يروح على الوسائل

بكاشه

:: ضيف شرف ::

#4
الله يعطيج الف عافيه

فرفوشه

:: ضيف شرف ::

#5
بكشكش

nozoo

:: عضو جديد ::

#6
شكراا

فرفوشه

:: ضيف شرف ::

#7

النيدو

:: عضو قادم ::

#8
خخخخخخخخخخخخخخخخ
والله مادري مين معاشه يرووووح ابو البنيه ولا معلمتها

كل يومين طالعين لنا بطلباااات هاتو هاتو جيبو جيبو

وكنهم عاااارفين ما نقدر نرد لهم طلب .... لانه اكو بنيه صغيره شكلهم معلمينها تشغل الوناااااان > صوتها < كنها سياره اسعااااف توخزززز وذان ابوها اذا ما شرالها اللي تبيه

والنيدووو شغاااال يكت من هلنقووووود > مررره يبون شرايط شعر راس >> هنيه محتااار وش يبون فيها دام البنت متهندسه ومزبطه شعرها
ومره يبون اعلام الدوله >> ليش رايحين يشجعون المنتخب
ومره يقولون جيبو تجليد للكتب > اي اوراق تغليف غير شفافه < بالله عليكم وزارة التعليم مسويه كتب اغلفتها يازينها وعليها رسومااااات هادفه .... بالله وش دعواااا نغلفها ونطمش منظرها


هذا وباقي تقووولون ان المدرسه معاشها راااااح في النماذج >>> لا يكون هذي رده فعل انتقااااميه تجااااه اولياء الامور >> خخخخخخخخخخخخ


تحياتي ع الموضوع اللزيزززز يالززززيز
التعديل الأخير تم بواسطة النيدو ; 08 - 30 - 2010 الساعة 01:41 AM

فرفوشه

:: ضيف شرف ::

#9
ههههههههههههههه

النيدوووووووو : اشعندك كاتب عريضة احتجاج ..

لايكون فاكر انك بهيئة امم المتحده ..

بصراااه كلامك سليم ميه / ميه / ولا فراخ الجمعيه .

مساكين اولياء الامور .. الله يكون بعونهم ......

tern2000

:: عضو جديد ::

#10
شكككككككككككككككككككككككككككككككككرا
إضافة رد


يشاهدون الموضوع : 1 ( عضو0 زائر 1)
 
أدوات الموضوع

الانتقال السريع