انا سألت رئيسه القسم قالت عادى مش شرط الشرح يكون زى الدليل عايزين نشوف افكار وابداعات المدرسه وطريقه توصيلها المعلومة بشكل مبسط للطالبات

بالنسبة لفكرة اشرطة الكاسيت انا مش متخيلاها كويس ممكن حضرتك توضحيهالى اكتر علما بان عدد الصف 22 طالبة انا هشرح الحصة فى المختبر وهقسمهم 4 مجموعات

عايزه اشوف الفكرة دى لو اطبقت هحتاج لايه وهعد ليها ازاى

في البداية حبيت اقدم لك تحضير جاهز موجود بمنتدانا يا ريت تحملينه عندك بجهازك http://www.ykuwait.net/vb/showthread.php?t=38202

الحين راح اقدم لك الشرح لكل جزء من الدرس

في البداية حاولي توزعين اوراق A4 على طاولات المجموعات لانه مثل ما انتي شايفة في نشط المعرفة السابقة طالبين منك انه التلاميذ لازم يرسمو مغناطيس ويحددون علية الاقطاب (القطب الشمالي (الأحمر) والقطب الجنوبي (الأزرق)) حاولي تحطي مصورات للمغناطيس على السبورة علشان تسهيل الرسم على الطالبات بعد ما يرسمون المغناطيس و يكتبون الاقطاب انتي حاولي تربطين الكلمة بالمعلومة هذي هالحركة تميز المعلمة المبدعة من غيرها قولي لهم القطب الشمالي دائما يلون باللون الأحمر شوفوا متشابهين بحرف الميم فهالمعلومة ما راح ينسوها طول عمرهم :
بعد ما يرسمو المطلوب منهم خليهم يحتفظون باجاباتهم داخل ملفات شفافة مكتوب عليها اسمهم

الحين راح نروح لتطوير اللغة :
المطلوب منك انك تعملي قائمة لمجموعة اشياء (مجسمات او ادوات ) مثل :

كرسي - طاولة - مشبك ورق - ملعقة معدنية - صحن بلاستيك - عود مصاص - مفتاح - مسمار

وتكتبي على السبورة هذي الشبكة وتخلي الطالبات يملو الشبكة بالكلمات المناسبة ولا تناقشينهم في اجاباتهم خليها اخر الحصة بعد ما يطبقون النشاط العملي



بعد ما يطبقون اللي طلبتية منهم يحطون اوراقهم في الملف وينتبهون للدرس لا تناقشينهم شنو عملو خليهم هم اللي يكتشفو اخطائهم نهاية الحصة

بعد ما عملوا الشبكة قولي لهم يفتحو الكتاب

,,,,,,,,,,,,,يتبع ........

بعد ما عملو الشبكة تطلبي منهم قراءة الدرس ويتوقعو شنو راح يتعلمون اليوم




طبعا راح يقولولك المغناطيس يجذب الاشياء المصنوعه من معدن فانتي بعد قراءة الدرس تشرحين لهم أن مفعول أقوى المغناطيسات يكون ضعيفاً على الأجسام التى لا تحتوى على حديد. اشر إلى أن المغناطيسات تجذب الأجسام التى تحتوى على حديد.
لمعرفة الاجابة هيا نطبق الدرس العملي :
تخلي البنات لازم يقرون صفحة النشاط العملي : 1- ما هو عنوان النشاط ؟ 2-ماهي مهارات الدرس العملي اللي راح نتعلموها اليوم 3- ما هي الأدوات المطلوبة بالنشاط .
من تقرأ خطوات النشاط
بعد قراءة خطوات النشاط تعملي التجربة كبروفة للبنات بانك تجيبي خيط وتربطيه بالقلم وتحطي اشياء مصنوعة من حديد واشياء مصنوعه من خشب او بلاستيك (وياريت تكون نفس الادوات اللي استخدمتيها اول الحصة في نشط المعرفة السابقة) ويستنتجوا الاشياء التي يجذبها المغناطيس والاشياء التي لا يجذبها المغناطيس
وبعدين لازم تكون هناك طالبة مميزة رئيسة للمجموعات تعمل التجربة بالاول والبنات بالدوار يجربو بعدها بهدوء ونظام ويسجلون النتائج في كراسة التطبيقات وانتي على السريع اتصلحي للتلميذات الكراسة
وبعد ما يخلصوا النشاط تطلبي منهم انهم يكتبو قائمة بالاشياء اللي جذبها المغناطيس والاشياء التي لم يجذبها المغناطيس
اشياء جذبها المغناطيس ----------اشياء لم يجذبها المغناطيس
....................------------......................
....................------------......................
....................------------......................
....................------------......................
اذا تحبي تطبعين هالاوراق للطالبات وهم يكتبو على طول, هذا شي راجعلك بما انه درس على مستوي المنطقة انا اشوف الاحسن تطبعينهم على اوراق وتوزعينهم على المجموعات
الحين تناقشينهم بالاجابة اللي استنتجوها مع الاجابات اللي كتبوها اول الحصة (شبكة الكلمات) هل الي كتبتوه كان صحيح والا خاطيء ؟؟؟
خلي كم مجموعه تطلع امام البنات وتتكلم عن نتائجها والبنات يناقشونها اذا كانت نتائجهم صحيحه والا فيها غلط
اهني خلصنا حلقة علم وطبق
راح انتكلم بالمشاركة الجاية عن مهارات التفكير العليا والاشياء الابداعية اللي ممكن تحطينها بالحصة

في مهارات التفكير العليا طالبين منك انك تذكرين اوجة الشبة والاختلاف في الاشياء التي يجذبها المغناطيس والاشياء التي لا يجذبها المغناطيس (هالسؤال مو سهل ) اوجة الاختلاف نعرفها سهلة لكن اوجه الشبة كيف ؟؟؟؟؟

فانتي تقدرين تعملين ورقة عمل لمهارات التفكير العليا ولازم تناقشين انت ورئيسة قسمك في طريقة اخراج الورقة انا عندي فكرة خلي رئيسة قسمك تشوفها وتعطيكي ملاحضات عليها :

تضعين صورة كرسي وصورة مسمار وتخلين الحوار التالي يدور بينهم :



انا الكرسي ومصنوع من مادة صلبة وهي الخشب ولا يجذبني المغناطيس
انا المسمار ومصنوع ايضا من مادة صلبة ولكنها الحديد وانا يجذبني المغناطيس

من الحوار التالي ما اوجة التشابه والاختلاف بين الكرسي والمسمار

المسمار والكرسي يتشابهون في انهم مصنوعين من مادة .......................... ويختلفون في انه المغناطيس يجذب .................. ولا يجذب ............................

بعد تطبيق الورقة لا تنسين تحلي مع الطالبات اسئلة مراجعة الدرس وخلينهم اهم اللي يجاوبون على الاسئلة ولا تكتبين على السبورة الاجابات ممنوع لازم هم اللي يكتبون لوحدهم

الحين اذا في وقت خلي التلميذات يلعبون بالالعاب التربوية اللي كلمتك عنها وهي شريط الكاسيت الفاضي اللي تحطي داخلة اشياء مصنوعه من حديد واشياء مصنوعه من خشب وتغلقين العلبة وتلزقين حواف الكاسيت بالشريط اللاصق وتلزقين من خارج العلبة مغناطيس قوي والبنات يجربون الاشياء اللي يجذبها المغناطيس والاشياء اللي ما يجذبها المغناطيس كلعبة بس نهاية الدرس

شوفي سويت لك تخطيط للعبة علشان تصير واضحة



اتمني اني وفقت بالشرح والله يساعدك يالغالية

اذا في اي استفسار انا حاضر وتحت امرك

اختي اية حصلتلك على انشودة الفصل وهي انشودة قطاري بدون ايقاع

تقدرين تحطينها اول الحصة وصوري الانشودة على شفافية وخلي البنات يغنونها معاكي

المرفقات : من لا يشكر الناس لا يشكر الله , قدم كلمة شكر لصاحب هذا المرفق

نشيدة قطاري - بدون إيقاع.rar‏ (998.0 كيلوبايت, المشاهدات 31)

الله يبارك فيك مشكوووورة على مساعدتك اختى معلمه علوم وجعله الله فى ميزان حسناتك

اعتقد انى مش هحتاج حاجة تانى وان احتجت هتواصل معاكى و للعلم الدرس على مستوى المدرسة ولا التوجيه هيحضر ولا حاجه
دة المديرة طالبه من المعلمات الجدد بس الحصص النموذجية علشان تقيمهم بس مش اكتر

حياك الله اختي الفاضلة واتمني لك التوفيق

السلام عليكم اختى معلمة علوم لو سمحتى عايزة دليل حل كراسة التطبيقات للصف الاول والصف الثالث ولو فيه عندك اختبارات قصيرة لهذين الصفين يبقى مشكوووورة