شلون تحسبون المعدل المكافئ ...^_^...
السلام عليكم ورحمة الله وبركاته
هذا شرح بسيط للمستجدين عشان تعرفون شلون تحسبون المعدل المكافئ ...
المعدل المكافئ عباره عن ( نسبة الثانويه + نتائج القدرات)
يعني كل كلية لها طريقه في حساب المعدل المكافئ راح اعطيكم مثال على كلية الطب
نقول ابنيه نجحة بالثانويه ونسبتها 90%
بختبار القدرات انجحت بالانجليزي 80% والكيميا 70% والرياضيات 85%
شلون نحسب المعدل المكافئ؟؟؟؟!!!!
كلية الطب يبون 65% من نسبة الثانويه و15% من امتحان الانجليزي و10% من الرياضيات و10%من الكيميا .
* هالعلامه يعني ضرب
المعدل المكافئ =(65%*90)+ (15%*80)+(10%*70)+(10%*85)
=86 هذا راح يكون معدلها المكافئ
وطبعا الطب تقبل فوري 92 معدل مكافئ
وغير فوري يعني الانتظار
88 اعتقد غير فوري بالنسبه للطالبات ونفس الشي لباقي الكليات
.................................................. ..................
لو باخذ نفس النتايج وبحسبها حق الطب المساعد
يبون لطب المساعد 70% من نسبة الثانويه و 15% من الانجليزي و7.5% من الرياضيات والكيميا
المعدل المكافئ = (70%*90)+(15%*80)+(7.5%*70)+(7.5%*85)
= 86.62 هذا راح يكون المعدل المكافئ
والطب المساعد يقبلون فوري 80 معدل مكافئ
يعني الطالبه هذي راح تنقبل فوري وتسوي جدولها بالنفس الوقت
اما اذا كانت اقل من 80 راح تكون انتظارحتى يتم تقليل النسبه
يعني اقل نسبة معدل مكافئ
اقبلوها لكلياتنا اعتقد 75 معدل مكافئ
اتمنى الشرح واضح ادري كله حسابات وراضيات لكن الطريقه سهله....