أحتاج معلمات علوم للصف الثالث الابتدائي
 

السلام عليكم


أتمنى التعاون مع خبيرات في تدريس العلوم للصف الثالث الابتدائي...

أتمنى أعرف انطباعكم عن الوحدة الأولى في الفصل الدراسي الأول

عليكم السلام

حياك الله اختي

باذن الله يردون عليج معلمات العلوم

والموضوع راح ينقل الى قسم الاستفسارات والطلبات

دمتي بود

يا هلا وغلا فيج اختي :)

بالبداية حبيت ارحب فيج في منتدانا واتمني انج تحصلين على كل شي يفيدج في بحثج ومجال تدريسج

لكن حبيت اسأل انت تقصدين مناهج الكويت ؟؟؟

بالنسبة لي انا درست منهج ثالثة تقريبا 3 سنوات وهذي نسخة من الكتاب على pdf سويتها خصيصا لكم على هالرابط http://www.ykuwait.net/love/3olom.rar

واذا تحبين تشوفين الكتاب بصيغة الفلاش شوفي هالرابط http://www.ykuwait.net/vb/showthread.php?t=40866

بالبداية اول فصل يتكلم عن النباتات وبصراحة هالفصل من اجمل الفصول اللي ندرسها لانه الطالب اهو اللي يزرع بروحة ويتابع نتايج تجاربة يوميا ويسجل ويلاحظ وتلاقينهم اذا صارت الفرصة كل طالب جايب لج نباته ويوريج شلون البذرة نبتت وهو فرحان غير باقي الفصول اللي تكون تجاربهم جامدة وغير مفهومه :)
شوفي هذا ملخص لدروس الفصل الاول النباتات

http://www.ykuwait.net/up/uploads/im...0fde34ecce.png

بالفصل الاول الطالب يدرس انواع النباتات ويصنفها حسب اختلاف الوانها واشكال اوراقها واحجامها ويسوي مثل بوستر يلصق فيه الاوراق المختلفة بالشكل والحجم فتلاقينه قاعد يلعب ويتعلم من خلال اللعب تعليم في منتهي الرووووعه والاتقان

وبعدين يتعلم ماذا يحتاج النبات والكتاب عارض الحقائق العلمية على شكل رسومات كرتونية محببه للاطفال وفيها انشطة في قمة الروووعه والابتكار مثل شلون تصنع بذرة
شوفي هالصورة

http://www.ykuwait.net/up/uploads/im...706f3a0a32.png

فالتلميذ يقص شكل البذرة ويركبها مرة ثانية علشان يتعرف انه يوجد داخل البذرة نبته صغيرة :) فحلوه انشطة هالفصل والتجارب في قمة الرووووعه والسلاسة :)

بالنسبة للفصل الثاني من الوحدة الاولي هو عبارة عن الحيوانات واهني راح يتعلم الكثير والكثير عن الحيوانات وانواعها شوفي فهرس الكتاب

http://www.ykuwait.net/up/uploads/im...5045a32c02.png

بداية الفصل يتعلمون عن انواع الحيوانات واغطية اجسامهم المختلفة واناشيد ممتعة وفيه العاب مسلية مثل خمن الحيوان يعني افكار تعليمية جديدة وممتعة وتنقل الطالب من التعليم التقليدي الممل الي نوع جديد من التعلم وهو عن طريف اللعب والتجارب والاستكشاف بصراحة هالمناهج حببت الطلبة بالعلوم بطريقة مو طبيعية :)
واحنا بعد المدرسات حبينا مناهجنا اكثر لانه الحصة منوعه مو روتين واحد فقط لا الحصة فيها افكار واناشيد لعب ومسرحيات و الطلبة يتشاركون فالطالب المتفوق يساعد زميلة الضعيف ويتبادلون المعلومات ويسألون المعلمة اذا في بالهم سؤال مو مثل قبل الطالب يقعد على الكرسي ويتلقي المعلومات ولما اتخلص السنة ماكو شي في مخة ؟؟؟؟

واكثر شي عاجبني بالمنهج انه اذا ما فهم الطالب معلومة معينة حاطيلج طريقة ثانية في دليل المعلم يعيدين شرح الدرس بطريقة جديدة ومختصرة بصراحة هالمنهج ابدااااع ويعطي وزارتنا الف عافية عليه يستحق الخمس نجوم عن جدارة

شوفي هذا تحاضير جاهزة للصف الثالث ومشروح فيها كل اللي قلته لج طريقة شرح دروس الصف الثالث اتمني تطلين عليها لانها في غاية الروعه

http://www.ykuwait.net/vb/showthread.php?t=38116

اذا محتاجة شي يالغالية قوليلي وان شاء الله افيدج اكثر :)

السلام عليكم

أولاً أحب أشكرج اختي معلمة علوم على أخلاقج وكرمج
ثانياً المعلومات اللي عرضتيها جداً قيمة بالنسبة لي

جزاج الله خير...~

السلام عليكم والله يجزاك خير ممكن طلب حطي كمان نماضج للاختبارات لجميع الفترات للفصلين الاول والثاني ودمنتي سالمه