ياكويت - درس لاصفي مبتكر

بعد عندى دروس لاصفيه مبتكره براسي وايده بحاول أكتب لكم قبل ماأقطع عنكم لان وراى بشهر نوفمبر دورة منهج الجديد وبعدها أرجع لكم بس الله يعافيكم إدعولى بالتوفيق محتاجه هلدعوات

[hide]المهم ماعلينا الدرس إسمه البرلمان يعنى تسويين مثل مجلس الأمه تحطين كراسي وطاولات وتسويين إنتخابات بس كله مصغر فائدة هلدرس يتعلم كيفية التخاطب وإدارة الحوار بس مو على مستوى سياسي لوووووووووووووووول بل على مستوى مجال الروضة او الخبرة إذا كانت مناسبة يعنى تحطين جمهور وتحطين أعضاء البرلمان بس تختارينهم ناس تتحجا لانج راح تكونين رئيس المجلس إلا وهو أنا المعلمه راح ألقي الأسئلة وأخليهم يتناقشون يعنى عضو النظافة وعضو الترشيد عضو الصحة عضوا وعضو الزراعة عضو الرفق بالحيوان عضو الإعلام يعنى من هلطقه المجال مقتوح للإبداع شوفي شنو بتحطون بعد الخلاصة من هلأعضاء نناقشهم بمهاههم شنو الإيجابيات والقصور الى صار بالروضة يعنى عضو الزراعه وينك زرع الروضة ميت مثلا نناقش الاسباب يقول مثلا ماكو ماء أو لايوجد مجال للزراعه الأرض غير صالحه يعنى عضو الإعلام شنو اخر إصدارات مجلة الروضة لكل خبرة فيه قصور مثلا بمناسبة يوم المعلم وين دور الطفل مثلا بتكريم المعلم يعنى إذا حسيتوا صعب تقدرون تخلون المجال فقط الترشيح يعنى تحطين الأعضاء وتخلين الجمهور يصوت تحطين صندوق الإقتراع وطاولة وجم ورقة على صور الطفل النتخب شي حلو تعلمينهم مبدأ الإنتخاب وآخر المطاف العضو الفائز تسووين عليه حصتج يعنى إذا زراعه فاز تطلعينهم الحديقه وتخلينهم يزرعون يهتمون بالزرع وإذا عضو الإعلام فاز تخلينهم يسوون مجله وإذا عضو الرفق بالحيوان تعلمينهم يحطون ماى للطيور بساحة الروضة يحصلون الأجر من الله وإذا عضو الترشيد تخلينهم يهتمون بإغلاق صنبور الماء وإطفاء الإضاءه عند الخروج من الفصل مع إعطائهم أوراق تلوين للتعبير عن الترشيد مثل قطورة وكهروب على فكره سالفة البرلمان ترى حلوه بس تدرون أنا أدرى فريت راسكم بس حاولى تبرزين دور البرلمان بحيث يكون له دور فعال لكل خبرة مره بالخبرة تعطينهم ترى حلو لاتستيهينوا بالطفل كويتى قلبه كبير وكلشي بيفهم جيل النت هذا لازم تجارونه وتطالعون كرتون الى بيشوفوه نزلوا لمستواه موعيب إذا تقدرين تدخلين شخصيات أم خماس وأم سعف بالبرلمان تخلينهم يشاركون عن طريق داتا شو تحطين صورهم وأنتى تتكلمين عن مشاكلهم لما دشوا برلمان الروضة ولقوا مثلا شي ماعجبهم بس لا تنسين تعززين جانب الوطنى بإنا الكويت بلد ديمقراطى فيها حرية التعبير وعندنا برلمان للكبار عشان يعرف لافج التلفزيون بأن فيه برلمان بالروضة وفيه برلمان للكبار[/hide] عشان يكون بالصورة ويفهم شفايدة البرلمان إصلاج القصور وسلامتكم