ياكويت - ملخص كليه الطب

ملخص كليه الطب .. للمستجدين شلونكم شباب و بنات , راح أدخل بالموضوع على طول, راح أكلكم شوي عند الدراسة بكلية الطب,

أولا بعد/قبل التخرج من الثانوية كلنا راح نمر بامتحان القدرات, هذا الإمتحنان يعد مصيري للقبول في الجامعه لأنه يمثل 35% من المجموع

بعد الإمتحان لازم يكون معدلك المكافئ يكون 85% , ولو كان 90% راح تنقبل فوري
.
.
.
.
.
الأيام تطوف
.
.
.
.
. انقبلت/انقبلتي مبروووووووووووووووووووووو ووووك, لا تسوي شي خلك عااااااااااااااادي (( لا تسوي جدول و لا تختار مواد إهي تييلك زاهبة بأول يوم )) اللهم الجامعة راح تدز مسج علشان تسجل المادة الإختيارية

يلا االحين راح نتكلم عند الدراسة
الطب يبيلها مجابل أوو دراسة أول بأول (( مو قصدي سهر لي نص الليول )) => أول ما تخلص من محاضرة روح راجعها بالبيت, روح دورات (( تسويها الجمعيات بالجامعة - طلبة مو دكاترة ))

بالفصل الأول :

راح تاخذ 5 مواد (( 15 وحدة )) :
إنجليزي => 5 وحدات (( لازم تضمنها )) => حيييييييييييييل يفرق عن الثانوي, المحاضرة ساعتين في أربع أيام والامحانات عبارة عن (( reading, listening, writing, vocab, grammar ))

فيزياء => 3 وحدات (( أسهل مادة )) => نفس مالت الثانوي (( تردد الصوت, العدسات, الموجات, الليزر )), بس هذي المادة تعد من أسهل المواد عندي , تدرون ليش ؟ لانكم بس تدرسون الواجب و تنجحون تقدرون تييبون b لأن الامتحان يدخل بالنص من الواجبات

حاسوب => وحدة واحدة (( حرام تضيعها )) => مادة سهلة تدرسون فيها ال office (( power point,exel, pubisher , word )) و عن الإنترنت =============> 20& نظري 80% عملي

كيمياء => 3 وحدات (( المادة إلي تفصل بينكم )) => تذكرون لما كنتوا تاخذون الكيميا بالثانوي, تخيلوا لو إنكم تاخون كل الكيماء في الثانوي في 3 أشهر (( والله من صجي )), حتى الكيميا الحيوية إلي كانت ملغية عندنا
وهالمادة هي راح تكون إلي تطرد معظمكم من الجامعه إذا ما درستوا عدل

المادة الاختيارية => 3 وحدات => من اسمها, مادة اختيارية , يعني طب و تخير (( إسعافات أولية, تاريخ الكويت, تفكير نقدي, أخلاق )) هذول إلي أعرفهم

.
.
.
عطلة شهر
.
.
.
.
.
يلا, رد إكرف من يدييييييد :P

الفصل الثاني 15 وحدة :
إنجليزي => 5 وحدات => نفس إلي بالفصل الأول بس إن ما عندكم grammar

أحياء => 4 وحدات (( حفظ بحفظ )) => تقريبا معظم إلي بالثانوي راح تاخذونة, بس الحلو مو مطلوب عليكم حفظ الصور

إحصاء (( إحنا نسميها جذي )) => 3 وحدات=> (( المادة إلي راح تفصل فيكم بالفصل الثاني ))=> تقريبا نفس الإحصاء بالثانوي, بس الأسئلة يبيييييلها فهم حيييييييييييييييل, مو حفظ قوانين أو خلاص

المادة الإختيارية => 3 وحدات => شرحتها لكم

إنشاء الله ما خليتكم تملون, وما حبطتكم و هذا الوقع اللي لازم تعرفونه
الله يوفقكم إنشا الله

نسييييييت :
هذا الرابط لموقع كلية الطب بالكويت :
http://www.hsc.edu.kw